Ek wens ek het
‘n lampie gehad
soos Aladdin met
‘n Genie wat
daaruit te
voorskyn kom
net om
vir my te vra:
“Watter 3 wense
wil jy hê moet
waar word,
Kindjie?”
Want ek soek
‘n ridder op
‘n wit perd
soos Sneeuwitjie,
my ma se pampoene
in die groenterak
moet in ‘n koets verander
sodat ek soos Aspoestertjie
in styl kan opdaag
by die kerk die dag as ek trou
en by die saal waar hulle
die onthaal gaan hou
en as dit die
Genie behaag
wil ek graag
vir altyd en ewig
geluk ervaar
soos daar
in Sprokiesland.
No comments:
Post a Comment