Joernaalartikel

Reeds in die Inleiding
maak ek melding van Hom
wat my as mede-outeur help skryf
aan die verhaal van my aardse verblyf.

Die inhoud bevat
nes dit maar met enige mens gaan
HOOGTEPUNTE
&
laagtepunte
van my aardse bestaan.

Ten slotte –
Sy genade alleen sal bepaal
hoeveel bladsye ons sal skryf
voor Hy my kom haal.

Die bibliografie
sal slegs een verwysing bevat
Sy Woord
waarvolgens ek my lewe rig en lei.

My mede-outeur, Jesus, sal oplaas
in die Joernaal van die Lewe
ons twee se skryfstuk plaas.