Dankie Mamma

Dat jy altyd noodhulp doen;
gebroke harte en sere gesond soen.
Dat jy my boeke agter my aanry;
ek nie by my juffrou moeilikheid kry.

Dat jy lekkers skool toe gee
al sê die tandarts daarvoor nee.
Dat jy geld sonder rente uitleen;
ons langs die sportveld ondersteun.

Dat jy oor kêrels, kopluise en klere raad gee
selfs al bring dit nie verandering mee.
Dat jy sorg vir die klere aan my bas;
dat jy nie kinderskry beskou as ‘n las.

Dat jy altyd luister as ons bel;
van die verlange na jou kospotte vertel.
Dat jy ons in liefde vermaan
al lyk dit nie of ons dit so verstaan.

Hou op...

om keuses namens my te maak
oor dit wat julle glad nie raak;
om my te vertel wat ek moet doen -
jul moet met mý besluite versoen;

om my lewe namens my te leef –
jul weet immers nie waarna ek streef;
om my aan te hou druk
sodat ek moet inpas in ‘n blik...

Op pad na herstel

Opgedra aan Marina Malan

Gee dat sy gou beter sal voel
al verstaan sy nie alles se doel.
Sal U haar seer laat verdwyn;
deel van die bestraling se pyn?

Gee dat haar veggees behoue bly;
niks of niemand haar onderkry.
Sal U keer dat sy moedeloos raak
en voel niks kan haar meer traak?

Gee dat die kanker nooit weer
na haar liggaam sal terugkeer.
Sal U elke tree by haar wees;
haar volkome daarvan genees?

Verskuilde bestaan

Doktor Bester deur en deur...

Niemand om mee kragte te meet
en wat die antwoord op elke vraag weet,
niemand om mee te argumenteer,
niemand wat die kliniek beheer,
niemand wat laatmiddag tee soek
en wat weet wat staan waar in elke boek,
niemand wat ander aanstaar
en dan dinge meedeel en dan is dit sommer
WAAR

Daardie iemand verskuil agter al die niemands...
JY
wat met jou afwesigheid ‘n leemte laat

Skaakmat

Polisiemanne om jou heen.
Jy – ‘n man, ‘n moeder se seun.
Die impak het jou lewe geëis;
die motorwrak dien as bewys.

Leweloos hang jou liggaam.
Jy – ‘n nommer, nie meer ‘n naam.
Nooit weer ‘n pion op die pad.
Die dood is nes skaakmat.

Betalend om ‘n pa te wees?

Hulle wat ADT betaal
om skelms uit die huis te haal.
Hulle wat vreeslik vinnig ry
en dan nog kla as hul boetes kry.

Hulle wat tuindienste betaal
om weekliks bossies uit te haal.
Hulle wat die loodgieter bel
as ma’s oor verstopte dreine skel.

Hulle wat mediese uitgawes betaal
volgens ‘n bepaalde voordeleskaal.
Hulle wat die elektrisiën bel
en van die stukkende wasmasjien vertel.

Hulle wat die Oorgangsraad betaal
wat met betrekking tot dienslewering faal.
Hulle wat van alles in die koerant weet,
maar verjaarsdae en herdenkings vergeet.

Hulle wat die huispaaiement betaal
en wonder wanneer rentekoerse daal.
Hulle wat glo ‘n pakslae op sy tyd
is soos brood en konfyt.

Hulle wie jy nie hoef te betaal
as hul jou in die sitkamer loop haal.
Hulle wat jou in jou bed neerlê
al het jy vergeet om nag te sê.

Hulle wat die selfoonrekening betaal;
agterna Vodacom met navrae opsaal.
Hulle wat daarvan hou om vis te vang;
vir slange en spinnekoppe is hul nie bang.

Hulle wat selfs oorsese skeidsregters sal betaal
sodat die Bokke en Proteas ‘n sege kan behaal.
Hulle wat nie skeidsregters se beslissings verstaan;
vir wie ma’s oor hartaanvalle voor die TV vermaan.

Hulle wat ook hul kinders betaal
sodra die kinders die A-span haal.
Hulle wat af en toe ‘n vleisie braai
op voorwaarde dat ma’s sorg vir slaai.

Hulle wat jou studiegeld betaal;
nie soos ma’s karring as jou punte daal.
Hulle met wie se geld ons vakansie hou;
wie se geld goed genoeg is as jy wil trou.

Hulle wat deesdae die SAUK betaal,
so lyk dit my, om die kollig te haal.
Hulle wat hope geduld kort...
verdien om bederf te word.

Hulle wie jy nie hoef te betaal
om hul goeie boekies te haal.
Hulle het hul kinders onvoorwaardelik lief;
niks kan dit verander – nie eers ‘n dief.

Gebed op jou verjaarsdag

Opgedra aan Dr. Ronél Ferreira

Sal U aan haar troos bied
wanneer sy hartseer ervaar?
Mag sy goeie gesondheid geniet
en U haar nog lank spaar.

Sal U Uself aan haar openbaar
ook wanneer dit goed gaan;
die kere wat sy vreugde ervaar
in haar menslike bestaan?

Sal U haar ondersteun
as sy keuses moet neem
oor die komende maande heen;
niks is mos vir U ‘n probleem?

Sal U vir haar kalmte gee
as sy krisisse moet hanteer,
dit wat haar grys maak...o wee,
dra haar asseblief daardeur?

Sal U haar mooi laat verstaan
sy is ‘n spesiale engelmens?
Gee dat sy daarop ag sal slaan.
Vrede vir haar is nog ‘n wens.

Skenk aan haar krag
vir die rolle wat sy vervul
by die huis en werk elke dag.
Ek vra dit alles om U ontwil.

Ikone

Ek het van Natalie du Toit gehoor;
mense kan ek nie in die swembad bekoor.
Ek het Nelson Mandela op TV gesien,
maar wil nie as SA se president dien.
Ek het van LJ van Zyl gelees,
maar wil nie ‘n atleet wees.

Van De la Rey het ek op die radio gehoor
as Bok van Blerk mense daarmee bekoor.
Vir Helen Zille het ek op TV gesien,
maar ek wil nie as politikus dien.
Van Steve Hofmeyr het ek gelees,
maar ek wil nie ‘n sanger wees.

Van Peter de Villiers het ek gehoor.
Ek bly ‘n ondersteuner al het hul verloor.
Vir Riaan Cruywagen het ek op TV gesien;
hy wat ons met die Nuus om sewe bedien.
Van Prof. dr. Chris Barnard het ek gelees;
ek sal nie ander kan genees.

Van Bryan Habana het ek gehoor;
hy wat die Loftus-skare met drieë bekoor.
Charlize Theron het ek op TV gesien;
hoe sy haar geld as aktrise verdien.
Van Advokaat Barbie het ek al gelees;
ek wil nie by die Regte betrokke wees.

Van Vinnige Fanie het ek gehoor;
met sy boulwerk het hy ons bekoor.
Bafana Bafana het ek op TV gesien;
hulle wat ‘n inkomste deur sokker verdien.
Oor Opvoedkundige Sielkunde het ek gelees;
werke van Prof. Irma Eloff-hulle om seker te wees.

Van Jesus, Job en Josef het ek gehoor;
ek sal nie mense op die kansel kan bekoor.
Gerrie Hartzenberg het ek in die kerk gesien;
hy wat sy geld as boekhouer verdien.
Van Avbob se Johan de Winnaar het ek gelees;
ek sal nie ‘n begrafnisondernemer kan wees.

Ek het van Niekie van den Berg gehoor;
hy wat ons met Sê Wie op RSG bekoor.
Ek het Danie Odendaal se sepie gesien;
nes Frans Marx is dit hoe hy geld verdien.
Van Raven Klaasen het ek onlangs gelees.
Vir hoe lank gaan hy ‘n tennisspeler wees?

Van Tim Clark het ek onlangs gehoor;
hy wat Suid-Afrikaners op die gholfbaan bekoor.
Toitjie du Toit het ek nog nooit gesien;
hy wat as eienaar van Toits Nissan dien.
Van Giniel de Villiers het ek in Rapport gelees;
wonder hoe dit voel om Dakar-kampioen te wees.

Van Raymond Ackerman het ek gehoor;
hy wat ons met lae pryse bekoor.
Willem Woes het ek op ‘n foto gesien.
Danksy hom kan ons publisiteit verdien.
Antjie Krog se werke het ek gelees;
ek wil soos sy ‘n digteres wees.

Moderne ma’s

Dankie Doktor Bester en Janine vir die inspirasie

Hulle het aan jou lewe gegee;
met hulle stribbel jy soms teë.
Hulle wat kleintyd jou doeke omruil;
saam jou stap - daardie ekstra myl.

Hulle wat dit nooit staak
om agter jou te loop en skoonmaak.
Hulle wat Woolworths-kos koop;
Edgars van hul voorraad stroop.

Hulle wat vir haarverwydering gaan;
sonbedsessies nie kan weerstaan.
Hulle wat hul naels laat doen
en jou vol lipstiffiemerke soen.

Hulle wat ure in Virgin Active spandeer;
jou van Maria, Markus en Moses leer.
Hulle wat hul ooghare laat tint –
vir hul eie foute is hulle soms blind.

Hulle wat hul kinders vermaan
eerder as om aan hulle te slaan.
Hulle wie se karre as taxi dien;
wie deur mure en geslote kamerdeure sien.

Hulle help jou saans met skoolwerk;
hulle dien op Rade van die Kerk.
Hulle wat jou keer op keer vergewe
wanneer jy nie volgens Sy wil lewe.

Hulle wat nie vir jou kwaad raak
as jy nie jou bed en skoene op- en vasmaak.
Hulle wat nie jou hand in krisistye los –
dit maak nie saak wat dit kos.

Hulle met wie jy jou geheime kan deel;
wat saam jou met karretjies of poppe speel.
Hulle wat sê jy moet al jou kos opeet,
so nie, kan jy van lekkergoed vergeet.

Hulle wat tjop-tjop dinge kan reël;
vir hulle is niks net nooit te veel.
Hulle wat gereeld mense onthaal -
op die nippertjie sonder enige kabaal.

Hulle wat sê: “Slegte medisyne maak gesond,
so maak asseblief tog net oop jou mond!”
Hulle op wie se skouer jy kan huil;
op wie se skoot jy kan sit al is jy vuil.

Hulle wat jou van Kersvader vertel;
hom in verband met jou kerswense bel.
Hulle wat die tandemuis laat kom;
vergeet kinders wat oop oë slaap is nie dom.

Hulle wat die dienste van ‘n bestuurskool huur
wanneer jy die dag oud genoeg is om te bestuur.
Hulle wat al die pad Johannesburg toe ry
net om hul hare daar te laat sny.

Hulle wat jou soos ‘n slaaf bedien.
Het jy dit al ooit raakgesien?
Hulle wat jou laat besef -
moenie tussen jou kinders onderskeid tref.

Madiba-betowering

Ek weet nie of u van Woes weet -
u wat Nelson Mandela heet.
Ek weet nie of dit u beskore gaan wees
om soos Woesters die volgende te lees:

In Robbeneiland se tronk het u beland;
kennis gemaak met die lewe se gatkant.
Jare later was u die persoon in beheer
en word u veral deur kinders waardeer.

Gedurende u bewind
het u uself daartoe verbind
om met apartheid weg te doen;
ons deur demokrasie te versoen.

Wie sou ooit kon dink
dat 91 vir u sou wink?
Ek hoop u geniet hierdie dag;
ook die ander wat op u wag.

Mag Hy u met gesondheid seën;
nog lank aan u familie leen;
u – ‘n Suid-Afrikaanse trots,
‘n steunpilaar, ‘n rots.

Ouerskap

Wanneer ons die fase betree
waar kinders jou grys hare gee;
wanneer die bloed in jou are kook
sodra jy uitvind hulle rook.

Gee dat ons dit sal aavaar...
nes die maats wat opdaag as hul verjaar.
Gee dat ons nie met hulle sal baklei
as ons hul vir ekstra lesse moet aanry.

Gee dat ons onsself in hulle skoene indink
as hul in die middel van ‘n eksamen rinkink.
Gee dat ons hulle sal verdra
selfs as hulle oor ons opvoedingstyl kla.

Gee dat ons hul nie as lafaards uitkryt
as hulle oor die waters sit – verspreid.
Gee dat ons hulle nie veroordeel
wanneer hulle van ‘n ander steel.

Gee dat ons juis dan sal aanhou bid
as ons met ons hande in ons hare sit.
Gee dat ons hulle bo alles lief sal hê;
ook wanneer hulle verbrou dit kan sê.

Blye versekering

Sou ek my lewe in 'n motorongeluk verloor;
sou iemand my oor ‘n selfoon vermoor;
sou ‘n beroerte of hartaanval my lewe kos;
ek weet Hy sal my nie alleen los.

Sou dokters nie meer
die kanker kan beheer;
sou ‘n bomaanvaller my lewe buit;
ek weet Hy’s by my die hele tyd.

Sou dit die H1N1-virus wees;
sou die oorsaak nierversaking lees;
sou ‘n verdwaalde koeël my tref;
Hy sal jul vertroos is my besef.

Sou my liggaamskragte agteruitgaan
weens MIV en my hart gaan staan;
sou my familielede my oorskot groet;
ek weet Hy sal my by die poorte ontmoet.

Ter nagedagtenis aan wyle Doktor Lou de Beer

Oor u geloof was u nie skaam.
Talle studente kan dit beaam.
Aan die begin van elke klas
STILTETYD
dis hoe dit was

By Sosiopedagogiek lesings gaan u nie wees;
e-posse hoef u nie te lees.
Semestertoetse hoef u nie te merk.
Vergete is telefoonoproepe by die werk.

Vir jare het u geheet ‘n akademikus.
Nou het u vir ewig gaan rus.

Ek het geleer...

Geskryf na aanleiding van die gedig "Jammersê"

Drank beperk jou vermoë
om te veg vir dit waarin jy glo.
Rokers moet sigarette los –
dit kan hul lewens kos.

‘n Mens moet jou tong beheer –
so kan jy ‘n tranedal keer.
‘n Mens moet ander nie veroordeel;
selfs nie die wat van jou steel.

Moenie van geld ‘n afgod maak
en soos die dokters staak.
Jy vat nie jou besittings saam na Hom –
leer om met min oor die weg te kom.

Moenie ongevraagd jou opinie gee,
soms bring dit vyandigheid mee.
Rooftogte is deel van die alledaagse bestaan –
dink aan Felicity van Sewende Laan.

Moenie jou aan mense soos Zinzi steur;
om moeilikheid te maak is wat hulle probeer.
Moenie met jou kredietkaart oorboord gaan –
jy gaan soos Linda voor die skeihof staan.

Moenie met die ouer garde argumenteer –
uit ervaring weet hulle meer.
Moenie op depressielyers neersien;
jy weet nooit of dit jou gaan tref miskien.

Dit baat jou niks om na Pick ‘n Pay te loop
as jy soek na gesondheid – dis nie te koop.
Gesondheid kom nie in pakkies na jou toe aan,
maar dis ‘n gawe - so moet jy verstaan.

‘n Mens moet negatiewe gedagtes staak –
dis dit wat jou moedeloos maak.
Jy moet nie kanse deur jou vingers laat glip.
Vat dit van my af as ‘n “tip”!

Een mens is nie beter as ‘n ander een,
selfs nie oor die dood se grense heen.
Jy moet ander vergewe as hulle jammersê -
sewentig maal sewe keer soos Hy wil hê.

Jammersê

Ek dink nie ek was die
maklikste kind
om groot te maak nie...

Môre is dit dalk te laat
en sal dit my nie baat.
Ek gaan vandag jammer sê
sodat ek vrede in my hart kan hê.

Jammer ek het jul opvoeding vertrap;
gedink jul vermanings was ‘n grap.
Jammer ek wou altyd eksperimenteer;
darem het ek uit my foute geleer.

Adolessensie

Aantreklike tiener of te not -
dit is ons kind, o God.
Hy laat ons gesigte van blydskap straal
as hy elke seisoen die A-span haal.

Gee dat hy nie met maats heul;
die wat dwelmnaalde deel.
Gee dat hy van beter sal weet
en nie later ‘n alkoholis heet.

Gee dat hy sy hardkoppigheid staak;
nie by voorhuwelikse seks betrokke raak.
Gee dat hy besef hy moet hard leer
as hy eendag verder wil studeer.

Gee dat hy sy man sal staan
sonder om iemand met die vuis te slaan.
Gee dat hy daarteen sal waak
om by Satanisme betrokke te raak.

Gee dat hy nie sy hand aan sy eie lewe slaan
as hy nie sy wiskunde stellings verstaan.
Gee dat hy elke dag daarna sal streef
om volgens U gebooie te leef.

Die anderkant van die munt

Duet saam met Barend Steenkamp

Hoe kan ek jou vertel
as dit gaan oor hel
dit wat ek nie kon bereik
met al die pogings tot spyt...B

Op skool was ek vir ‘n week geskors.
Toe al het ek my toekoms opgemors.
Ek kon nie Wiskunde en Wetenskap vat.
Ma was reg met “Jy pluk vir jouself ‘n lat” ...S

Later in my volgende strik
wat mens weereens laat bid
blind het ek my laat verbind
voor ek ‘n oplossing kon vind ...B

Ek voel soos ‘n mislukking
wat telkens hartseer bring.
My drome kon ek nie vervul.
Ek’t ook nie gehandel volgens Sy wil ...S

Dit het my jare geneem om te verstaan
dat ek ‘n ander pad moet inslaan
eers stribbel ek daartee
toe maak ek ontvang, gee ...B

Selfbejammering wou nie werk
so beland ek by die kerk
deure het toe begin oopgaan
en die pad na die hemel nou gebaan ...B & S

Middelkinderjare

Gaan hy 'n akademikus word
of gaan hy uitblink in sport?
Gaan hy in die skoolkoor sing
of gaan hy net hartseer bring?

U het hom vir ons gegee;
hy wat sy middelkinderjare betree.
Lank het ons vir hom gewag;
hy wat met sy sêgoed ons laat lag.

Gee dat hy intuïtief sal dink;
onderskeidings vir hom sal wink.
Gee dat onbenullighede hom nie onderkry;
hy nie met sy maatjies sal baklei.

Gee dat ander van hom in koerante lees;
hy vir sy skool ‘n aanwins sal wees.
Gee asseblief vir sy juffrou geduld,
want soms raak hy maar wild.

Gee dat hy ten alle tye op U vertrou,
nie net wanneer hy verbrou.
Gee dat ons volkome sal verstaan
as hy na ‘n spesiale skool moet gaan.

Al skep hy dan nie in die lewe die room;
gee dat ons nie saam hom ophou droom.
Help ons om hom te aanvaar
al maak hy ons senuwees klaar...

Hoekom

Hoekom is mense geneig om kanse te vat
al is daar waarskuwingstekens langs die pad?
Hoekom moet mense doodgaan?
Is dit omdat Eva nie God se taal kon verstaan?

Hoekom het die Bokke die laaste toets teen die Leeus verloor?
Is dit omdat Habana nie daar was om die skare te bekoor?
Hoekom weier dokters om mediese hulp te verleen
wanneer pasiënte nie beskik oor ‘n mediese fonds se steun?

Hoekom word ek gedwing om Engels te praat?
Behoort al 11 tale nie bevorder te word deur die staat?
Hoekom word mense met geen ervaring in poste aangestel?
Is dit dan nie kwalifikasies wat tel?

Hoekom die petrolprys wat styg
en mense wat mekaar met bomme dreig?
Hoekom eer kinders nie hul ouers soos hul moet?
Weet hulle dan nie hulle gaan daarvoor boet?

Hoekom sien mense op Steve en Joost neer?
Onthou om eers te vee voor jou eie deur!
Hoekom word druk op kinders geplaas
en as hulle selfmoord pleeg is ouers verbaas?

Hoekom word mense tronk toe gestuur
as hulle hulself verdedig en ‘n skoot afvuur?
Hoekom ontvang moordenaars nie die doodstraf?
Kom hulle nie deesdae gans en al te lig daarvan af?

Hoekom moet jy eers amper tronk toe gaan
voor jy in beheer van ‘n land kan staan?
Hoekom loop verkragters vry rond?
Is hulle gedagtegang dan nie ongesond?

Hoekom pleeg huweliksmaats owerspel?
Is hulle nie bang hulle gaan brand in die hel?
Hoekom is daar mense wat die 8ste gebod verontagsaam?
Kry hulle dan nie skaam?

Hoekom van ander se oortredings boekhou?
Luister gerus na “Vergeet en vergewe” van Nicholis Louw!
Hoekom jouself verander om by ‘n vriendekring in te pas?
Wees net jouself met jou geraamtes en al in die kas... 

Cinematical. 2010. Available at: http://www.effective-health-supplements.com/images/Small-Questioning-Face-Small-Webview.jpg. Date accessed: 5 September 2010.

Pleidooi

Hoekom wag tot al die tellers balanseer
voor Ma saans saam ons sosiaal verkeer?
Het iemand Ma al ooit geleer
om vir ‘n ander nee te sê?

Hoekom moet Ma die bank oop- en toesluit?
Wat as die rowers Ma se lewe buit?
Wie aanvaar dan verantwoordelikheid?
Ons wil Ma nog lank in ons lewens hê.

Hoekom moet Ma saans werk van die werk nasien?
Dis nie asof Ma ekstra geld daarvoor verdien.
Die res is teen ekstra werk immuun.
Dit het tyd geword dat Ma leer om nee te sê.

Hoekom bel hulle Ma as Ma op verlof is?
Is Ma dan nie veronderstel om te rus?
Ma gaan Ma nog doodwerk, dis gewis.
Ons wil Ma nie langer deel, maar vir onsself hê.

Kiss Outreach Ministries.  n.d.  Avaialable at: 
http://kissoutreachministries.org/uploads/Prayer_hands.jpg. Date accessed: 5 September 2010.

Die einde se begin

Sodra Hy besluit om die punt te plaas
is dit nie die einde helaas.
Afgestorwenes is ver bo ons verhewe
waar hulle saam met Hom lewe.

‘n Lewe saam met Hom is hemels…
Van skinderpraatjies is daar nie sprake
Skoliere en studente kry nie take
Oor die H1N1-virus is geen vrees
Niemand kan meer slagoffers van misdaad wees
Predikante hoef nie ‘n boodskap op te dis
Sangers se stembande kry rus
Regters hoef nie uitsprake te vel
Kassiere hoef nie geld te tel
Huweliksmaats is nie ontrou
Die huishulp hoef nie klere op te vou
Vir die horlosiemaker is tyd nie ‘n kwessie,
so ook nie die ekonomiese resessie
Onderwysers sit nie laatnag en vraestelle merk
Petroljoggies hoef nie op Sondae te werk
Verkeersbeamptes deel nie boetes uit
So ‘n lewe is hemels – dis ‘n feit

Die gemeenskap van Brits

As 'n gemeenskap moet ons saamstaan,

as voorbeeld kyk gerus Sewende Laan.

Apartheid is deel van die verlede,

demokrasie is deel van die hede.

Plaasmoorde maak egter nie soveel opslae

-soos ene Dawie Swart-

dit laat my met talle onbeantwoorde vrae.

Is boere se lewens dan nou minder belangrik?

Gaan boere onder diskriminasie gebuk?

Wat sê die Wet?

Word diskriminasie dan nie belet?

  Madibeng.  Available at:  http://www.madibengtourism.co.za/images/logo.jpg.  Accessed:  12 September 2010.

Werksesel

Opgedra aan Mevrou Marianne Driescher

Jou vingers beweeg moeiteloos oor die sleutelbord.
Dit het al ‘n ritueel geword.
Mense loop in, uit en verby.
Gaan die gejaagdheid ooit end kry?

Daar is navrae oor die telefoon om te hanteer.
Ongeag die volume werk, jy kan alles beheer.
In die agtergrond is daar musiek wat speel.
Tussen die e-posse en navrae word jou aandag verdeel.

Sekondes word minute, minute ‘n uur.
Jy kyk na die horlosie teen die muur.
‘n Dag word ‘n week, word ‘n maand, word ‘n jaar.
Die werk raak net nooit klaar...