Die einde se begin

Sodra Hy besluit om die punt te plaas
is dit nie die einde helaas.
Afgestorwenes is ver bo ons verhewe
waar hulle saam met Hom lewe.

‘n Lewe saam met Hom is hemels…
Van skinderpraatjies is daar nie sprake
Skoliere en studente kry nie take
Oor die H1N1-virus is geen vrees
Niemand kan meer slagoffers van misdaad wees
Predikante hoef nie ‘n boodskap op te dis
Sangers se stembande kry rus
Regters hoef nie uitsprake te vel
Kassiere hoef nie geld te tel
Huweliksmaats is nie ontrou
Die huishulp hoef nie klere op te vou
Vir die horlosiemaker is tyd nie ‘n kwessie,
so ook nie die ekonomiese resessie
Onderwysers sit nie laatnag en vraestelle merk
Petroljoggies hoef nie op Sondae te werk
Verkeersbeamptes deel nie boetes uit
So ‘n lewe is hemels – dis ‘n feit

Die gemeenskap van Brits

As 'n gemeenskap moet ons saamstaan,

as voorbeeld kyk gerus Sewende Laan.

Apartheid is deel van die verlede,

demokrasie is deel van die hede.

Plaasmoorde maak egter nie soveel opslae

-soos ene Dawie Swart-

dit laat my met talle onbeantwoorde vrae.

Is boere se lewens dan nou minder belangrik?

Gaan boere onder diskriminasie gebuk?

Wat sê die Wet?

Word diskriminasie dan nie belet?

  Madibeng.  Available at:  http://www.madibengtourism.co.za/images/logo.jpg.  Accessed:  12 September 2010.

Werksesel

Opgedra aan Mevrou Marianne Driescher

Jou vingers beweeg moeiteloos oor die sleutelbord.
Dit het al ‘n ritueel geword.
Mense loop in, uit en verby.
Gaan die gejaagdheid ooit end kry?

Daar is navrae oor die telefoon om te hanteer.
Ongeag die volume werk, jy kan alles beheer.
In die agtergrond is daar musiek wat speel.
Tussen die e-posse en navrae word jou aandag verdeel.

Sekondes word minute, minute ‘n uur.
Jy kyk na die horlosie teen die muur.
‘n Dag word ‘n week, word ‘n maand, word ‘n jaar.
Die werk raak net nooit klaar...

Opbouende kritiek

"Ek het jou mos gewaarsku" is nie wat ek wil hoor
Vra eerder “Wat het jy daaruit geleer?”
Moenie sê “Ek kan jou nou al sê wat gaan gebeur”
Vra eerder “Wat het jy om te verloor?”

Moenie sê “Jy wil jou stempel op almal afdruk”
Vra eerder “Hoe lank terug het jy dit al gereël?”
Ek wil nie hoor “Jy het jou kanse verspeel”
Vra eerder “Het jy die vrugte van jou dade gepluk?”

Ek wil nie hoor “Jy kan daarvan vergeet”
Vra eerder “Wat gaan jy doen om dit te bereik?”
Moenie sê “Dis asof jy my ontwyk”
Vra eerder “Is daar iets wat ek moet weet?”

Moenie sê “Jy dink nie verder as jou neus”
Vra eerder “Het jy al daaraan gedink?”
Ek wil nie hoor “Jou houding stink”
Vra eerder “Wil jy nie maar net jouself wees?”

Ek wil nie hoor “Ek het jou mos belet”
Vra eerder “Is jy bewus jy gaan moeilikheid kry?”
Moenie sê “Jy moet dit vermy”
Vra eerder “Kon jy dit verhoed het?”

Die prys van geleerdheid

Geleerdes skuur skouer teen mekaar,
voorspellings word openbaar.
Nuwe artikels en boeke sien die lig.
Is die formules darem waterdig?

Studente neem die kennis in.
Vir sommige maak dit nie sin.
Rekenskap word van hulle geëis.
Praktiese lesse maak hulle meer wys.

Aspirant dokters leer ‘n bepaalde snit.
Opkomende leraars leer hoe om te bid
Prokureurs leer om stories te verdraai.
Gaan leer by Judas – hy’t Jesus verraai!

Onderwysers leer om huiswerk uit te deel,
sielkundiges om gebroke harte te heel.
Joernaliste leer die kuns van sensasie.
Die keuse van fakulteit is joune gehasie.

Daar is talle studente wat hulle hierheen wend,
die opleiding van studente kry net nooit end.
Om geleerdheid te verwerf is waartoe hulle hulself verbind.
Sommige se teorieë word geweeg, maar te lig bevind.

Die wat deurdruk bereik die hoogste sport.
Dit is hulle wat doktore en professore word.
Wat sal tientalle kwalifikasies baat,
in ag genome die gegradueerdes wat SA verlaat?

Ons bly nou wel nie in ‘n misdaadvrye land,
maar die somber wolk het tog ‘n silwer rand.
Niemand kan jou van jou geleerdheid ontneem,
selfs al vernietig hulle die tersiêre inrigting se sisteem.

Lau, C.  2007.  GRADUATION and INSPIRATION.  Available at:  http://www.icubed.us/files/graduation1.jpg.  Accessed:  17 January 2010.

2007

Vol fiemies

Opgedra aan Vida Grobler

Jou koshuislewe is amper verby,
jy twyfel of jy ‘n pos in Pretoria gaan kry;
daarby dreig jy om iewers oorsee te gaan bly.

Jy hoor van mense wat gaan trou
en begin huil in jou mou.
Jy beter aan jou selfvertroue bou!

Met ‘n boer wil jy niks te doen hê,
langs ‘n miljoenêr wil jy lepellê
al het jy niks vir hom te sê.

Jy glo jy gaan oud word op die rak,
jou oë soek na die Aldoel se dak.
Vida, jy is sommer vol k@#!

Jy sit op die randjie van die koshuisgebou.
‘n Tweede opsie is om jou polse te kou.
Waarom nie eerder jou oë uitgrou?

Jy was die Prim met die meeste gees,
altyd besig met die uitvoer van jou nuwe idees.
Nooit weer sal daar iemand soos JY wees!