'n Leeftyd se stories (Deel 2)

Die bladsy genommer 2010
is propvol herinneringe
oor al die dinge
wat ons sien afspeel het.

Vanaf Januarie tot Desember
het ons daagliks dateer
wat het met ons gebeur
op daardie spesifieke dag.

Beelde van die kere
wat ons uitsonderlike gebeure
op film vasgelê het
geniet die meeste aandag,
behalwe vir woorde wat in
skuinsdruk en vetdruk
vertoon word, onderstreep
is en met hoofletters begin.

‘n Mens kan
sien dat daar
kort-kort deur die
loop van die jaar
kantlynopmerkings
gemaak was.

Na die 52ste week
is daar ‘n bladsybreek.

Met my muis beweeg
ek na die volgende bladsy
waar ek ons name as
outeurs in die bladsyboskrif kry.
Onderaan is die bladsy
genommer 2011.
Ek en jy is self
verantwoordelik vir die detail.

'n Fabelagtige 2011 vir jou

Mag jy 2011 inloop
met oorgenoeg hoop
van Hansie en Grietjie
en jy soos Chicken Little
opnuut bewus word
dat Hy Sy seën
vanuit die hemel
op jou uitstort.

Happy Birthday, Chantel!

Congratulations on
Having your birthday today
And may the
New year
That’s ahead be filled with
Endless blessings and
Lots of love

Lekker verjaar, Leandra!

Lekker verjaar!
Ek hoop
Al jou drome word waar in die
Nuwe lewensjaar en bid
Dat die Heer jou
Ryklik sal seën in
Als wat jy doen tot Sy eer

2010

Say Cheese

Ek wil jou glimlag
fotostateer, opvou
en in my sak druk
om byderhand te hou
die dae wanneer
verlange na jou
my soos ‘n
wolkombers omvou.

Geluk met jou verjaarsdag, Estelle

Skoppensvrou, hierdie is spesiaal vir jou...

Ek bid vir jou
Seën
Toe
En hope
Liefde en geluk vir die nuwe
Lewensjaar
En ek hoop jy word nog lank gespaar

My gebed vir Kersfees in jou hart

Noudat Kersfees se
liggies uitgedoof is;
die geritsel van
geskenkpapier stil raak;

Kersmusiek besig is
om uit te faseer;
die engel aan die kersboom
nie meer “shine” vang;

ons die samesyn
van geliefdes mis...
is my gebed dat jy
vir Jesus sal plek maak

in jou hart
totdat Hy weer
eendag aarde toe kom
omring deur englesang.

Departement Opvoedkundige Sielkunde 2010

Sonja het Ouditorium toe getrek;
Monaheng se vraestelle het uitgelek;
Dr. Mampane doen navorsing oorsee;
Janine het haar bedanking ingegee;

Dr. Ferreira het Professor geword;
Lazuros is sak en pak fort;
Michelle beklee nou ‘n ander pos;
Doktor Mokgadi het Tukkies gelos;

Ruth en Hermien is met doktorsgrade vereer;
Melanie het aansoek gedoen om verder te leer;
Freda is nou Mevrou Coetzee;
aan Adrie is ‘n pragtige kleinkind gegee;

Professor Ebersöhn is OVSA President;
Doktor Bester is nou ‘n OPV-dosent;
Tilda se doktorale skripsie is uiteindelik klaar;
Saffiya is nuut aangestel vanjaar;

Dr. Lubbe-De Beer se uitruilstudente
het na Nederland teruggekeer;
Marina kap dit uit met haar gesondheid;

behalwe vir Laurens en Sjouke was
Prof. Claudia Dalbert ook ‘n gas
in die departement gewees –
sý het hoofsaaklik idees
met Doktor Human-Vogel uitgeruil
die tydperk wat sy hier verwyl het;

Professor Maree is vereer
met die Kanselierstoekenning
vir Onderrig en Leer
en die Stalsprys vir Sielkunde;

Dr. Mohangi het vroeër vanjaar
‘n praatjie gelewer by die Seminaar
oor Opvoedkundige Navorsing oor MIV/VIGS;

tydens ‘n prestige geleentheid
wat Prof. Ferreira moes bywoon
is sy met die toekenning vir
Uitsonderlike Jong Navorser beloon;

Janna doen volgende jaar internskap
terwyl Charity en Andreas
na hul tweede jaar aanstap.

Isebel se kant van die verhaal

Die volk in die dorp
sien my as Isebel.
Hulle glo ek
hoort in die hel.

Hulle wil my
vir die honde gooi,
maar hy’t op my jag gemaak
soos ‘n jagter op sy prooi.

Hulle het nie gesien
toe hy my plattrek.
Die honde behoort
sy bloed op te lek.

Happy Birthday Cobus

Congratulations
On having your
Birthday today – may you experience
Unlimited
Showers of Blessings

Kersfees

Kom kyk - die
Een wat ons kom
Red lê in ‘n krip in ‘n
Stal terwyl die mensdom
Fees vier
En saam met die
Engele sing
Stille Nag

The angels above

I don't need
Christmas lights
or an angel on
top of my tree
because those
shining above me
provide enough
light in my life.

Die engele daarbo

Ek het nie 'n engel
en kersliggies nodig
om my kersboom
mee te versier nie,
want die wie
se liggies van Bo
af skyn maak
genoeg lig in my lewe.

Dis al hoe ek leer

As ek nie op 'n
aanmaning
reageer...
onthou om my
te dreig
die tweede keer!

Ha Ha

Skoppensboer,
jou moer,
ek wag vir jou
om my te poke
en te sê die dood
is net ‘n joke.

NS: Dankie vir die inspirasie, Rudi

‘n Vrye vers daar Bo iewers

Die digwêreld
het ‘n metafoor
in ‘n oogwink
verloor die
oomblik toe die
enjambement
haar na die
hemel wend.

Nou’s jy ‘n
rympatroon
wat in die
hemel woon.

NS: Dis jy, Robelle

Robelle

Robelle, jy's nie meer hier
Op aarde
By ons nie, maar
Een ding is verseker:
Lesers sal jou naam nog
Lank laat
Eggo

Dood

Damn, jy kom
Op die mees
Ongeleë
Donnerse tyd!

Margaret

Margaret, ons wat
Agterbly
Rou, maar
God, die
Almagtige, het nou
Rede om te lag, want Hy’t ‘n
Engel
Teruggekry vandag

Vriendin

Vat die
Raad wat ek vir jou gee
In hierdie moeilike tyd
En maak daarmee
Net wat jy wil, solank jy
Dit net nie
In die grond vertrap
Nie!

Horende doof en siende blind

Hierdie is geskryf

as deel van 'n

4 woord uitdaging

op die webwerf Woes.

Die 4 woorde

wat moes deel uitmaak

van die gedig was:

KASKAR

WIELE

PILLE

BRILLE

Die diere in die bos

het in groot getalle

opgetrek na die Kaskardag.

Hulle kon nie meer wag

om te kyk hoe elke

deelnemer se KASKAR lyk.

Jakkals met sy slinkshede

was vas oortuig

die ander deelnemers sou

teen hom die knie buig.

Groot was die verbasing toe

Oupa Uil daar opdaag,

maar niemand het gewaag

om hom te vra of hy nie behoort

te rus nie. Hy is immers een

wat nooit sy middagslapie mis nie.

Eers toe Koning Leeu aankondig

die deelnemers moet hulle plekke

inneem het Jakkals dit gewaag

om ‘n vraag aan Oupa Uil te rig

wat in die baan langs syne

stelling ingeneem het.

Jakkals het gevra: “Oupa Uil,

hoort jy dan nie in die bed?”

Oupa Uil het net sy kop geskud

en homself reggemaak vir die rit.

Toe die skoot klap het

die deelnemers laat waai.

Om die eerste draai

het Wolf se WIELE moeilikheid

gegee en dit bring toe mee

dat Ystervark hom verbysteek.

Soos altyd het Skilpad

die agterhoede gedek

terwyl die ander al amper

by die wenpaal trek.

Bosbok het teen die

kant reëling vasgery

en Likkewaan kon nie

weer sy KASKAR

aan die gang kry toe

dit eers gaan staan het nie.

Jakkals was toe die een

wat die knie moes buig

toe Oupa Uil met ‘n gejuig

eerste oor die wenstreep is.

Almal was verbaas, selfs die

seremoniemeester, Meneer Haas.

Dis toe dat Oupa Uil sê:

“Vir die van julle wat wonder

waarom ek nie vandag in die

kooi lê nie...ek het gister
na Dokter Bobbejaan

se spreekkamer gegaan

omdat ek vir jare sukkel

om saans te slaap.

In plaas daarvan dat hy

vir my PILLE gee wat jou

help om te slaap skryf

hy toe ‘n stropie voor.

Ek wou nog by hom hoor

wat op die botteltjie staan

omdat ek sukkel om te lees,

maar is toe vort na Blouwildebees.

Teen die aand se kant toe

ek by die rivier gaan was

besluit ek om vir Krokkodil

te vra wat op die botteltjie staan,

maar ek het vergeet ek het nie

my gehoorapparaatjie aan nie.

Eers vanoggend toe ek ‘n draai

maak by die apteek om te hoor

wat kos hulle wye verskeidenheid
van BRILLE verneem ek dat dit

Bioplus was wat Dokter Bobbejaan

vir my gaan staan en voorskryf het.”

Boodskap: Soms moet ons onsself horende doof en siende blind hou om die beste prestasies te vermag.

Happy Feet

English version

If I say my feet don't

touch the ground today,

then it actually means I'm

on cloud number nine.

Happy Feet

Afrikaanse weergawe

As ek sê my voete

vat nie vandag

grond nie dan

bedoel ek eintlik

ek is in die

sewende hemel.

Kersvader se storie

Hierdie is geskryf

as deel van 'n

4 woord uitdaging

op die webwerf Woes.

Die 4 woorde

wat moes deel uitmaak

van die gedig was:

SAGTE

ROOI

VERLEI

WOORDE

Kersvader se oorpak

is nou wel ROOI

en sy SAGTE, wit baard

lyk tog al te mooi,

maar nie eers dié

prentjiemooi verhaal

sal maak dat Kersmoeder

hom vergewe nie.

Kersmoeder voer aan

sy WOORDE aan haar

jare gelede was soos

musiek in haar ore, maar

dat daar absoluut niks

van gekom het nie.

Kersvader het haar glo

destyds met allerhande

praatjies VERLEI soos dat

sy baie presente sal kry

as sy met hom trou,

maar nou bederf hy haar

slegs een maal per jaar

wanneer Jesus verjaar.



Mamma

My mamma is
Absoluut die beste
Ma wat ‘n
Mens kan kry op
Aarde

Eksamentyd

As kampus stil raak
kan jy maar weet
die studente is besig
om reg te maak
vir die eksamen
wat eersdaags begin.

So sal ek JOU onthou

Jy's
Oulik en
Uniek

Ons lewe is in Sy hande

Ek en jy is soos
‘n korreltjie sand
in die hand
van ons Skepper.

Visserman van formaat

Hierdie is geskryf
as deel van 'n
4 woord uitdaging
op die webwerf Woes.
Die 4 woorde
wat moes deel uitmaak
van die gedig was:
BEDERF

SAND

ROTS

ERKEN

Hier waar ek

langs jou

op die strand

sit en speel

met die SAND

wat ons

tussen ons

tone kielie

sien ek

‘n visserman

wat op die ROTS

staan en hengel

en ek dink aan jou,

my engel.

Ek moet ERKEN,

nes hy moes jy

ook maar lank

gewag het voordat

jy iets gehad het

in jou vangnet.

Maar ek was nie

enige vangs nie –

ek was spesiaal,

want jy het my

BEDERF met oesters

en sjampanje

toe ek sinker en al

vir jou val.

Verjaarsdagwense vir Adrie

Aan 'n
Dierbare vrou – mag God jou
Ryklik seën
In die nuwe lewensjaar
En nog lank spaar

Kakofonie van klanke

Hierdie is geskryf

as deel van 'n

3 woord uitdaging
op die webwerf Woes.

Die 3 woorde

wat moes deel uitmaak

van die gedig was:

SPEEL

SIMFONIE

SERENADE

Voor die krieke se

simfonie-orkes

Siembamba se

inleiding begin speel

en Klaasvakie vir

jou kom serenade

wil ek sê: Jy moet

‘n lekker nagrus hê!

Pensioners talk like this

65% of the time

others like what

your knowledge

can do

and the rest

of the time

they appreciate

the inner you

Pensioenarisse praat so

65% van die tyd

word jy waardeer

vir jou kennis

en die res

van die tyd

vir die

soort mens

wat jy is

Gee my ‘n kabinet vol vriende – los maar die drank!

Vriende is soos goeie wyn -
hoe ouer hulle word,
hoe meer gesofistikeerd
hul idee omtrent 'n
verjaarsdagpersent vir jou.

Rus In Vrede

Hierdie is geskryf

as deel van 'n

3 woord uitdaging

op die webwerf Woes.

Die 3 woorde

wat moes deel uitmaak

van die gedig was:

TOTSIENS

SEER

MAAT

Maat, my

hart is seer

omdat ons

Liewe Heer

jou so skielik

kom haal het,

maar ek weet

dat gebed

genesing

sal bring.

Dis tyd om

te groet,

so ek sê

totsiens,

tot ons weer

in die Huis

van ons Heer

ontmoet.

Die bruilofsfees

Hierdie is geskryf

as deel van 'n

3 woord uitdaging

op die webwerf Woes.

Die 3 woorde

wat moes deel uitmaak

van die gedig was:

DANS

VERLEIDELIK

SPORTS

Die sports het begin

toe dit tyd word

om te dans en die

bruidegom se

skoonsuster ewe
verleidelik begin

met haar

sensuele passies.

Hy het natuurlik te

veel drankies ingehad

en toe haar gelaat

met sy vrou s’n verwar.

Eers die volgende oggend

nog half deur die mis
kom hy agter dat dit

verkeerde tweeling is

wat langs hom lê

toe sy vrou bel en vra:

“Waar draai jy heelnag?

Ek lê vir jou en wag.”

Klein Jannie kan nie

Hierdie is geskryf

as deel van 'n

3 woord uitdaging

op die webwerf Woes.

Die 3 woorde

wat moes deel uitmaak

van die gedig was:

STOUT

VAT

LAG

Die pas getroude

paartjie het besluit

die huweliksnag is

die regte geleentheid

om mekaar

intiem te bestudeer

en so het dit

toe ook gebeur.

Eers raak hy stout

en vat aan haar boud.

Dan vroetel sy

met haar koek

tot hy laat waai

met sy broek.

Dis toe dat sy

hardop begin lag

in die middel

van die nag,

want voor op

sy onderbroek

staan Self Raising,

maar daar’s g’n knop.



Nature’s secret

If only trees
could whisper
we would
have known
much more
than we do
right now.

Die grotes se geheim

Die reuse van die
Jakarandastad
weet van meer
gevallestudies

omtrent lentebabas
wat die lig gesien
het as die professor
voor in die lesingsaal,

maar hulle praat
nie uit oor die
meisies wat kampus

se hek binne is
op die Pil en
uit is met ‘n prêm nie.

Jy’s gemaak met ‘n doel

Binne-in Jesus
se gereedskapkas
is daar ‘n plekkie
waarin jy pas,
want Hy gebruik
jou in Sy taak
om van die wêreld
‘n beter plek te maak.

Hy’s so hot

Hierdie is geskryf

as deel van 'n

3 woord uitdaging

op die webwerf Woes.

Die 3 woorde

wat moes deel uitmaak

van die gedig was:

OMHELSING

WATER

STOOM

die tye wat
ek in sy

omhelsing

in die bad

deurbring

stoom die

water om

ons behoorlik

Slang

Verjaarsdagwense vir Jolanda

Jy moet 'n
Ongelooflike
Lekker dag hê en mag die
Allerhoogste jou
Nog lank spaar vir
Die geliefdes in jou lewe
As dit Sy wil is

Vier seisoene kind (Deel 4)

Jy't winter betree

as jou borste

wat op ‘n tyd

gedrup het

van heuning

nie meer

versadigheid

bring omdat

dit hang

en jou
skaamdeel

hom begin verveel.

***

Op haar beurt

sal sy jou

eenkant toe skuif

wanneer jou penis

nie meer verstyf

en sy nie meer

genot kan put

uit ‘n Rough Rider rit.

Jy’s gehook

Hierdie is geskryf
as deel van 'n
3 woord uitdaging
op die webwerf Woes.
Die 3 woorde
wat moes deel uitmaak
van die gedig was:
ONTKETEN
MIS
RUSTIGHEID

Ek mis die

rustigheid

wat die

aanraking

van jou

sagte vingerpunte

in my ontketen

op dae soos vandag

wanneer

stormsterk winde

my hart laat

ronddobber,

maar jy’s nou

Jesus se vangs.

Winde van verandering

Die eerste stap
van verandering
begin by jouself –
maak nie saak
hoe grotesk
die uitwerking
wat jy met jou
plan wil meebring.

Wondersoete slaap

Sorg asb. dat hy

of sy wat hierdie

woorde lees

vannag ‘n sagte

rusplek vir sy of

haar hoof kry

en mag hulle die

warmte geniet

wat U

liefdeskombers

‘n mens bied.

Jy’s uniek,

want na jou
het ons Heer
nooit weer
so model gebou.

Dit is Sy norm
dat niemand
dieselfde vorm
as ‘n ander
moet aanneem,
want duplisering
sal nie die mooi
in elkeen uitbring.

So sal jy onthou word

Jy gaan slegs

een maal

deur die lewe,

maar die indrukke

wat jy maak

is so blywend

soos Sy belofte

van die ewige lewe.



Tjailatyd

Ek slaan my oë op

na die horlosie

bokant my kop.

Die lange is

op die twaalf

en die korte

op die vier.

Ek is dank

vader bly

nog ‘n dag

is verby.

ouma@indiehemel.gov.za

Bestel solank
vir ons twee
diabeetbeskuit en
bitter rooibostee,

want sodra
ek aanland
gesels ons
land en sand

oor alles
en nog meer
by die voete
van ons Heer.

Rinkinkery tussen die lakens

Die maan het my

glimlaggend

verseker dat jy nie

verdwaald sal raak

wanneer jy

‘n draai in

droomland

gaan maak,

want Hy

wat oor die

sterre waak

sal sorg dat

hulle lig maak.

Vier seisoene kind (Deel 3)

Jy weet jy't

herfs

in jou lewe

betree

as jou

huweliksmaat

nie meer

alles gee

en jou

aanraking

‘n verfloude

sensuele

prikkeling

tot gevolg het

in die bed.

Webwerf wat wemel van woorde

Hierdie is geskryf

as deel van 'n

3 woord uitdaging

op die webwerf Woes.
Die 3 woorde

wat moes deel uitmaak

van die gedig was:

WOES

VRIENDE

EENSAAM

Selfs skrywers

wat eens

op ‘n tyd

eensaam

was

klim hier

uit hulle

kassies uit,

want nie

net bied

Woes jou

geleentheid

vir die

tentoonstelling

van jou

kreatiwiteit,

maar leer ken

jy vriende

van Afrikaans

wêreldwyd

wat leer uit

mekaar se

kommentaar uit.

besteantivirusprogram@wêreldwyd.com

Hierdie is geskryf

as deel van 'n

3 woord uitdaging

op die webwerf Woes.

Die 3 woorde

wat moes deel uitmaak

van die gedig was:

INFILTREER

VROLIK

BROOS

Die wat U

gekies het

vertoon vrolik

Liewe Heer,

so my gebed

is dat U

my sisteem

sal infiltreer,

want sonder

U as

anti-virus

om Satan te keer

is ek te

broos

om sy aanslae

af te weer.

Jy’s onlosmaaklik deel van my bestaan

Hierdie is geskryf

as deel van 'n

3 woord uitdaging

op die webwerf Woes.

Die 3 woorde

wat moes deel uitmaak

van die gedig was:

UITBASUIN

BEMIN

SKETS

Vra ander my

om ‘n prentjie

te skets

van die een

wat ek bemin

dan weet ek

nie of ek

moet begin

by die

glimlag

wat om jou

mondhoeke

speel

as ons ‘n

spesiale oomblik

deel

of

jou oë

wat altyd

skitter van

opgewondenheid

nie, want

beide

maak my

stapelgek

van liefde,

soos in so

dat ek

saans as ek

slaap jou naam

uitbasuin

omdat jy nie

uit my gedagtes

wil verdwyn.