‘n Leeftyd se stories

Toe ek deur die gisters blaai
sien ek jou op bladsy 2009
waar jy vriendelik vir my waai.
Net toe ek wou nader kom
aan jou, vasgevang in ‘n foto,
waai tydwysers die bladsy om
na die bladsy genommer 2010.
In die bladsy-boskrif is ons name,
maar ongelukkig kan ek nie sien
hoe die nuwe verhaal gaan lees.
Al waarvan ek tans bewus is,
is wie die skrywers gaan wees.

Drafstappie deur studentwees (Deel 2)

Onthou jy
Donderdae het ons na Hatfield opgetrek;
die kuiertjies by Oom Gert se Plek;
die gatswaai op Drop Zone se dansbaan;
Good 4 Fellows se gatskop Afrikaanse musiek;
Cheeky Monkey se heerlike cocktails;
Hergunters se specials op brandewyn
en wanneer jou maag van honger pyn
Vetkoek Maleis se heerlike vulsels;
Odds was bykans altyd oorvol
as ons daar wou gaan jol;
Aandklas se stemmige atmosfeer
en die enkele besoek aan Sin Bin;
die kareoke aande by Greentrees;
die koelte kuiers onder die bome
en al ons toekomsdrome
wat ons met mekaar gedeel het;
die vreugde van kerk toe gaan
as jy besef dat jy nie alleen staan
in geloof wanneer almal as ‘n groep
Universiteitsoord se banke volsit;
die keer wat ons gaan fliek het by Menlyn;
hoe het ons Spur se kelners gebol
by Brooklyn Square digby die Mall
deur te sê iemand verjaar;
hoe jy met Ching Chong Chinamen
‘n Sjinees kon opwen;
die ekspedisies na die eetsaal se dak
om Pretoria se liggies saans te sien;
die Telkom toring was ons baken
van lief en leed
wat ons nie sal vergeet
solank studentwees in memoriam is;
die swaai sessies by Magnolia Dell;
ons idee van krieketspeel sonder ‘n bal
in die middel van die koshuisgang;
die stories van Afkop Antjie in die donker;
die besoeke aan Varsity Bakery;
Woensdae was Roman’s Pizza Dag;
die beste was die 10% afslag
vir studente by die bottelstoor;
Lentedae se laatlê en die leeglê by LC –
daardie een dag wat jy nie omgee
oor jou akademiese lewe
en nie presensielyste hoef te teken;
die opskudding oor Die Perdeby –
almal wou altyd eerste wees
net om te kan lees
wat Pssst van Huis Inca sê;
die reuk wat in jou neusvleuels optrek
as hulle die gras op kampus bedek
met kunsmis op snikhete somersdae
sodat Groenkloof sy naam gestand kan doen?

Drafstappie deur studentwees (Deel 1)

Onthou jy
Virgin Active se sessies die eerste 2 weke;
die busritte om Topbestuur te gaan ontmoet;
hoe ons die seniors en HK moes groet;
Amelda se Little Red Bug liedjie;
hoe opgewonde het jy geraak
toe jy jou debuut moes maak
as eerstejaar in die Amfiteater
die aand met Ienkmelodienk;
die vreugde en verdriet van Ienkdrag dra;
die HK wat sê waarheen jy nie mag gaan nie;
jool saam met Kiaat, Voortrekker, Mopanie;
telefoondiens tye in die voorportaal;
sêrrie voor al wat ‘n manskoshuis is
en die volgende dag se wondersoete rus;
die gespook en geskarrel voor huisweek
om vloerversierings in plek te kry;
die jaarlikse optrek na die Aula
deur studente om te gaan kyk
hoe die eerstejaars lyk
op die verhoog met Ienkkonsert;
huisvergaderings wat tot laat aanhou
waar vermoeides die met klaagliedere uitjou;
een keer ‘n week se Show Your Love Day
om vir die seniors te wys jy gee om;
die opgewondenheid oor die ontheffing
voor die tweede semester se Prim-sirkus;
die HK Sirkus wat niemand maklik mis;
die socials van Donderdae aande;
die semi versus senior rugby
gereël deur Christa & Kie;
die tragedie as jy jou sleutel toesluit
binne in jou koshuiskamer
en die heldeverering in jou oë
as Mareli haar lewe waag
en dan daarin slaag
om jou deur van binne oop te maak;
die koffie kuiers op die brandtrap;
Sonika se 30 Seconds om jou intellek te toets;
Mareli wat musiek maak met haar kitaar;
Corlie die bobaas braaister;
Louise en Leandra se pap en sous;
Ilse wat inbars vir ‘n sigaret?

Eerstepersoonsverteller

Eiewyse
Karakter

Game Over

Voor jy my met jou vinger skiet
soos ‘n domino
en ek en my gevolg inmekaar tuimel
soos ‘n kaarthuis
moet jy eerder eers jou skuif deurdink
Koning
voor jy onttroon in die maag beland
van die slangetjie!

Verkragtingslagoffer

Jy het gedink ek sou losbandig raak
en dan met jou wil liefde maak,
juis daarom het jy my drank gevoer.
Jy’t gedink op my voorkop staan hoer.

Jy het jou geld voor my rondgeswaai
en my vertel hoe jy my sou naai.
Jy is verslaaf aan pornografie;
dít sal jy nie aan jou vrou vertel nie.

Jy kon nie jou jagsheid beheer;
aan jou was geen salf te smeer.
Jy het jouself op my afgedwing;
my op die godverlate plek bespring.

Jy het nie net my binneste verniel
toe jy my infiltreer het met jou piel;
ook my selfbeeld het ‘n knou gekry;
teen depressie kan ek nie baklei.

Oom, wie sou ooit kon dink
die buurdogter sou jou semen drink?
Jy het nie net my vrouwees vernietig,
maar my hele flippen lewe ontwrig.

Wense vir jou

op jou verjaarsdag

Skoppensvrou

Toe ek vanoggend opstaan

het ek op my knieë gegaan

en

jou aan Hom opgedra

en Hom mooi gevra

om jou nog lank te spaar

en teen onheil te bewaar

en

ek het vir Hom dankie gesê

om iemand soos jy te kan hê

wat blydskap in lewens bring

en harte van vreugde laat sing

en

ek het vir Hom gevra

om jou op Sy hande te dra

wanneer stormwaters woed

binne in jou gemoed

en

ek het vir Hom gesê

dat ek graag wil hê

Hy moet jou teenaan Sy bors hou

en met Sy Godlike liefde omvou

en

ek weet Hy het my gehoor...

dat Hy my gebed sal verhoor.

Hartsake

As ek 'n deursnit moet maak

deur my hart,

wat sien ek raak?

Haat

teenoor die wat my emosioneel afbreek

en die wat my in die rug steek

Liefde

teenoor die wat my met hulle s’n oorlaai

en die wat nie net loop en onmin saai

Woede

vir myself as ek nie presteer na wense

en teenoor agterbakse mense

Dankbaarheid

teenoor die wat my ten alle tye ondersteun

en in moeilike tye hul ore uitleen

Twyfel

oor die doel van my menslike bestaan

as alles nie voor die wind gaan

Geloof

in Hom wat aan die kruis moes sterf

sodat ek die ewige lewe kan beërf

Vergewensgesindheid

teenoor die wat my hart verwond

met dit wat kom uit die mond

Skuld

as ek ander se ondergang bewerkstellig,

nie vure doodslaan, maar brande stig

Jammerte

vir die wat swaarkry

en aan ongeneeslike siektes ly

Moedeloosheid

oor die depressie monster homself nie uitwoed

en dinge nie uitwerk soos dit moet

Hoop

dat dinge sal beter word

en my probleme hulself uitsort

Kersgeskenk

Ek kon nie koerierdienste kry
wat na my sin vinnig genoeg ry;
so dis geensins ‘n wonder
as my hart jou nie bereik sononder.

Ek wou ‘n faksmasjien gebruik
sodat my glimlag jou kan bereik,
maar wat ‘n ontnugtering –
dit sal nie my glimlag by jou uitbring.

Ek wou hê jy moet bewus raak
van die feit dat jy my gelukkig maak,
maar het getwyfel of jy voor Kersfees
jou elektroniese pos sou lees.

Ten einde laaste het ek vir Kersvader
met my dringende versoek genader...
ontvang ‘n omgee plantjie as geskenk
as jy op die 25ste Sy geboorte herdenk.

Irma

Dat Prof. Eloff se naam nou soveel betekenis dra...

Intelligente
Roemryke
Mensliewende
Akademikus

Kerswens

Mag Sy beskermengele met jou wees
waar jy mag gaan hierdie Kersfees.
Mag Sy liefde na jou toe aanwaai
as jy geliefdes met joune oorlaai.

Mag Maria en Josef se kind
se vrede in jou hart vergestalting vind.
Mag blydskap jou mondhoeke aantas
en jy nooit weer jou glimlag kan afwas.

Mag jy op Kersdag hierdie jaar
Koningskind-wees se vreugde ervaar.
Mag Hy jou uit jou sokkies seën
en dit Kersdag net persente reën.

Liefde in enkelvoudsvorm

'n

Verhouding

gaan

nie

werk

nie

want

ons

gevoelens

is

nie

ewe

sterk

nie

Dis tyd

dat ek my

vlerke sprei

en soek tot ek

die regte lewensmaat kry

Simboliek

As ons Kersdae aansit vir ete
dan is dit met die wete -
sonder soetkoekies en gemmerbier
sal ons moet Kersfees vier –
jou spesialiteit is saam die graf in;
ander probeerslae proe nie soos Ouma s’n.

As ons Kersdae aansit vir ete
dan is dit met die wete -
ons hoef nie vir jou te dek
want jy het ‘n spesiale plek –
Ouma is die engel wat die glans vang
waar Ouma bo aan die kersboom hang.

As ons Kersdae aansit vir ete
dan is dit met die wete -
al skyn jou aardse liggie nie meer
kyk Ouma van bo op ons neer –
as ons opkyk sien ons Ouma raak;
Ouma is nou die ster wat lig maak.

As ons Kersdae aansit vir ete
dan is dit met die wete -
Ouma was ‘n groot geskenk
van Hom wie se geboorte ons herdenk –
dit maak van elke kleinkind ‘n Koningskind
want ons was aan bloed van jou verbind.

As ons Kersdae aansit vir ete
dan is dit met die wete -
al is daar nie seep of handeroom
van Ouma af onder die boom –
Ouma was die grootste geskenk gewees
tydens 1922 se Kersfees.

Dodelike depressie

Pille vir die pyn
lem teen die vel
strop om die nek
kolskoot teen die kop
kaboem
lewelose liggaam
stywe spiere
treurmars

Bankrot

Selfs logika betaal 'n prys
as jy geluk vir geld verruil
en besef dit was nie wys...

Superlative form

Good for you
if you know better,
but I know what's best…

Oortreffende trap

Goed, ek het gedink ek weet beter,
maar agtergekom jy weet die beste.

Goeie gebaar

Seerkry is nie vir sussies nie -
die dat ek my oor jou ontferm,
‘n hartwag kry wat jou beskerm,
sodat jy jou Twinsavers kan spaar.

Gebed van ‘n geneesheer

Gee dat my werke
‘n sukses sal wees
en dat die merke
volkome sal genees.

Waarskuwing

Dit doen jou ego skaad aan
as jy nie vir hulp gaan.
Deur te erken jy’t ‘n probleem
sal niks van jou afneem.

Wees daarop bedagsaam –
moenie gevaar verontagsaam!
Dit maak die skade soveel minder
en kan onnodige seer verhinder.

Hardkoppigheid

Jy behoort uit jou foute te leer;
nie ander daarvoor te blameer!
Jy wat nou in die stof byt –
die argitek van jou eie moeilikheid.

God se goedheid

Hy beskerm teen die kwaad;
Hy luister as ons wil praat;
Hy voorsien as ons vra;
Hy sal ons deur storms dra.

Hy vertroos as ons hartseer is;
as ons moeg is gee Hy rus;
Hy vergewe as ons sondig –
uit genade – nie uit plig.

Adrie

Opgedra aan Adrie van Dyk

Almal se vriendin
Dierbare mens
Regterhand vir baie
Innemende geaardheid
Eerlik soos goud

God se bruikleenooreenkoms

Hy leen ons slegs uit
vir ‘n bepaalde tyd.
Hy vat as ons dit nie verwag –
helder oordag - selfs laatnag.

Tegnies gesproke

Jou naam en nommer gestoor
in my leesalleengeheue;
nooit sou ek dit kon verloor
behalwe deur dit af te vee.

My inligting was gestoor
in jou lees- en skryfgeheue,
jy’t die vonkel in jou oë verloor,
my gegewens uit jou geheue gevee.

Middelpunt

Julle is alewig aan die baklei
nes twee honde oor ‘n been
EK
Wie gaan die oorhand kry
oor die komende weke heen?

Seënwense

Spesiaal geskryf vir Tannie Adrie se verjaarsdag van die 10de

Mag Hy Sy seën op jou uitstort

sodat jy stokoud sal word.

Mag Hy Sy engele opdrag gee

om jou te beskerm elke tree.

Mag jy voorspoed op vele terreine geniet

en teenspoed in die toekoms die hoof bied.

Mag Hy Homself aan jou openbaar

en jy daagliks Sy liefde ervaar.

Verjaarsdagwense Vir Die Vrou

Vir Marina Malan met haar verjaarsdag die 7de

Alombekend as vrou en ma -
sy wat haar familie in gebed opdra.
Vandag dra ek haar aan U op –
maak dinge glashelder waaroor sy tob.

Alombekend as ma en vrou –
sy wat oor als en almal ‘n ogie hou.
Sal U U oor haar ontferm
en teen aanvalle van die bose beskerm?

Alombekend as vrou en ma –
sy wat luister hoe haar huismense kla.
Gee dat sy objektief sal oordeel
die kere wat sy moet regter speel.

Alombekend as ma en vrou –
sy wat U met haar hartsgeheime vertrou.
Sy wat in gebed haar oë rig na Bo –
gee vir haar die wysheid van Salomo.

Alombekend as vrou en ma –
sy wie mense soms met onbenullighede pla.
Maak haar in sulke tye kalm
as almal se versoeke in haar ore weergalm.

Alombekend as ma en vrou –
sy wat haar huismense met liefde omvou.
Koester haar daagliks teen U bors
en moenie dat mense met haar mors.

Alombekend as vrou en ma –
sy vir wie mense vir raad en rande vra.
Ek vra dat U haar met goeie gesondheid sal seën
en nog vir lank aan haar familie sal leen.

Gesigte en name

Ek het nie 'n fotografiese geheue,
kan nie gesigte herroep vir wie ek omgee,
maar ek onthou die mooi herinneringe
van diegene in verskillende kringe.

Ek’s geneig om name te memoriseer,
die uitspraak soms moeilik om aan te leer,
dit beteken meer as jy die wat jy ontmoet
in die toekoms op hul name groet...

Suzanne

Opgedra aan Doktor Suzanne Bester

Sy het op alles 'n antwoord
Uitnemend in haar werk
Zero verdraagsaamheid as jy haar ignoreer
Altyd in beheer van situasies
Nie een wat haar maklik vervies
Naas haar liefde vir die mens is dié vir diere onbeperk
Enig in haar soort

Brandmerk

(Die letsels van masochisme)

Elke letsel vertel ‘n ander storie –
stories wat niemand wil hoor nie;
stories van pyn en leed
waarvan ‘n mens moeilik vergeet.

Diepere betekenis

(Jou naam sê soveel
- jy's 'n engelmens -
ek het my nie verbeel)

Reguit
Oppad
Na
Éwige
Lewe

Lesbiese liefde

By 'n vrou het sy liefde gevind,
maar steeds bly sy jou kind.
Dit maak nie van haar minder mens;
aanvaarding is haar grootste wens.

Jou opvoeding was foutloos,
daaraan kan jy jouself troos.
Verkragtings het hulself daartoe ontleen;
nie ‘n afwyking in een of ander geen.

Hou op om jouself te verbeel
jy’s God wat kan regter speel!
Sy regterlike mag is nie aan jou oorgedra.
“Wees haar moeder” het Hy jou gevra.

Homoseksualiteit

Party sê dis weens gebeure uit jou verlede
en jy kan daaroor kom d.m.v. gebede.
Ander sê dis in jou gene vasgelê
om iemand van dieselfde geslag lief te hê.

Menings kom uit soveel monde –
daar’s die wat sê dis sonde –
ander sê weer dis reg.
Is dit dan nou goed of sleg?

Ode aan die baas

(Opgedra aan Doktor Ronél Ferreira)

Sy neem die voortou;
sy moet almal gelukkig hou;
aan die departement se beeld bou;
met almal se doen en late tred hou;

sy't tientalle vergaderings om by te woon;
moet navrae hanteer oor die foon;
vir die departement is sy 'n ikoon –
met die Samuel H Prince-toekenning beloon;

van haar word verwag om te verstaan
en met tye vure dood te slaan;
soms moet sy selfs vermaan;
sonder haar sal als en almal vergaan.

Spreekbuis en vinger wys se duur prys

Waar die hart van vol is,
loop die mond van oor.
Ek’t jou etikettering gehoor –
onthou net - gis laat mis.

Van geslag tot geslag

Ouma Bettie, ek's trots daarop om jou nasaat te wees

Jy het altyd vir ander gesê:
“Mens skop nie ‘n hond wat lê!”
Nou is ek daardie hond
en elke ding wat vreet eis sy pond.

Jy’t gesê: “Môre sal die son weer skyn”
en “Moenie agter jou kniekoppe huil!”
Die bult wat ek moet uit vertoon styl;
my laaste hoop begin langsamerhand kwyn.

Dis jou foto wat my dwing om te onthou
jy het vir my blymoedigheid geleen –
dit sit in elke liewe geen...
geloof en hoop – daai boustene van jou.

Vandag wil ek sê dankie daarvoor;
daai boustene help my baklei teen verloor.
Ek’s trots daarop om jou nasaat te wees –
so sal my verhaal vir jare voortlees.

Botsende belange

Twee voertuie wat mekaar tref -
sodra ons skuld en skade bepaal die besef...
ons kon vandag 6 voet ver gaan rus –
ons het die dood met sentimeters gemis.

Vals alarm

Vir wat die alewige vrae
as ek jeans en tekkies dra?
Hoor julle my miskien kla
as jul kleredrag my pla?

Dis nie asof julle verstaan
wat in my kop en hart aangaan;
owerhede hoef my darem nie te vermaan
omdat ek ly aan ‘n vervolgingswaan.

Al voel ek verstote en vuil
en lê ek steeds saans en huil –
steeds stap ek daagliks ‘n reguit myl –
skewe persepsies los ‘n brandmerk nes ‘n pyl.

Gelukkige verjaarsdag

(Verjaarsdagwens vir Janine Smith)

Mag jy so oud soos die berge word
en jou probleme hulself uitsort;
mag Hy Sy genade daagliks openbaar
en ek hoop al jou drome word waar.

Nota vir my blêrrie besige baas

(Niemand anders as Doktor Ferreira nie)

Kan ek twee minute leen van jou tyd?
Dis nie asof ek moeilike vrae wil vra
of oor my werksomstandighede wil kla -
ek wil jou meedeel oor my besluit...

‘n verhoging is nie wat ek soek;
nog minder ‘n voorskot;
ook nie ‘n beter werksaanbod;
gaan bêre gerus die tjekboek...

ek wil nie my bedanking indien;
ek wil ook nie geselsies gesels
oor wat my pligte alles behels;
ek ken dit al en buitendien...

as jy afwesig is, is daar ‘n lugleegte;
twee minute van jou tyd op kantoor -
meer werd as ‘n dag - al kom jy vroeër;
jou teenwoordigheid verskaf groot vreugde.

Buite beheer

Om Vader Tyd se wysers terug te draai
na vergete gisters van die verlede –
dit sou jou gewete kon paai –
maar die wysers beweeg na die hede...

Hartsgeheime

Jy't jou ouma se opvoeding vertrap.
Die nagevolge van jou daad was g’n grap.
Jy’t ‘n geliefde uit ons geledere geneem;
in die proses jouself van jou familie vervreem.

Jy was nes David Pratt versot op leed;
jy’t van die Volksraad se verwikkelinge geweet.
Jy’t woord by daad gevoeg;
nie omgegee oor ander wat sal wroeg.

Jou naam het koerante gehaal;
HF Verwoerd het met sy lewe betaal.
As jou ma maar net destyds moes weet
jy sou jare later ‘n sluipmoordenaar heet...

Neem ‘n mens jou lewe in oënskou
besef ‘n mens jy’t met jou waansin volgehou.
As jy die slagoffer van jou geheime moes wees –
sou jy of sou jy nie – begin het om jouself te vrees?

In vlug

Dankie Doktor Ronél vir wat jy beteken

Jou vertroue gee my vlerke;
jou aanmoediging is my inspirasie;
jou hulp dien as informasie;
op my vlug ken jou geduld geen perke...

Immuniteit is uit

(Vir party was jy meer as 'n kennis
-Jandré Diedericks-
jy word deur almal gemis)

3 jaar later - steeds is ons verslae -
soveel wat ons onsself afvra.
Is medici na jou outopsie meer wys?
Weet hulle wat het jou lewe geëis?

Nooit weer het ons saam jou klas gehad -
jou dood het ons ook koud gelaat -
jou sonnige geaardheid het verdwyn.
Jou dood was met Sy raadsplan in lyn.

Selfs Sy eie Seun moes sterf
sodat ons die ewige lewe kan beërf.
Niemand spring die dood vry -
later ons – eers jy.

Departementshoof-wees

Dankie Doktor Ronél vir die inspirasie

Jy woon vergaderings by op kampus
soms selfs in jou eie kantoor.
Bly jy ooit tussen dit als voor
en kry jy darem genoeg rus?

Artikels om te skryf en lees –
jou pen – die slag van Bloedrivier.
Hoeveel om nie alles te verduur
as jy die departementshoof wil wees?

As akademikus is jy alombekend –
mense kyk op na jou –
jy weet wat verg dit om uit te hou
as probleme hulself tot jou wend.

Besluite is deel van die daaglikse roetine;
dan nog kollegas en studente om te sien;
oproepe en e-posse - meer as ’n stuk of tien;
dit alles deel van jou werksdissipline.

Dan nog seminare om by te woon -
landwyd en suid –
daarvoor maak jy maar net tyd;
is dit alles darem werd die loon?

Sluipmoordenaar

Sou jou ma ooit kon raai
dat jy in 1966 so sou uitdraai?
As sy moes weet – sou sy jou steeds baar -
of eerder haar swangerskap wou laat vaar?

Vier dolkhale – dit was al –
om HF Verwoerd te bring tot ‘n val.
Daar word vertel jou oë was wild;
jy’t gesê dit was die lintwurm se skuld.

Soms wonder ek wat het jou besiel.
Ken jy dan nie die storie van die wiel –
dat dit een of ander tyd sal draai?
Dit het – toe hulle jou in die vangwa laai.

Sy Ontugwet het gemaak dat jy hom haat
en was die hoofrede vir jou afskuwelike daad.
Tsafendas, as Verwoerd aan bewind moes wees,
hoe sou SA se geskiedenisboeke vandag lees?

My spieëlbeeld

Mense hou meer van jou
al is ons dieselfde gebou.
As ek vertroue in myself verloor
loop jy natuurlik daarvan oor.

As my hart in skerwe spat
bly joune heel al die pad.
As ek met ‘n probleem sukkel
het jy al klaar ‘n oplossing ontwikkel.

As moedeloosheid by my sy tol eis
is dit asof hoopvolheid op jou gesig wys.
As ek van opinie verander – onder druk swig –
bly jy hardkoppig en loop almal maar lig.

As roekeloosheid by my posvat
bly jy versigtig al die pad.
As ongeduldigheid my bestaan oorheers
sien ek jou geduldigheid dan eers.

As ek mense haat
is jy nie vir hul kwaad.
As ek swartgalligheid braak
dan steek jy die draak.

Ek en jy vul mekaar so goed aan –
daar’s niemand wat my beter verstaan.
Kan ons vir een dag plekke ruil –
jy hier – terwyl ek agter glas skuil?

Op reis êrens heen

Selfverwyte wat soos bande skree -
die hele pad – elke tree:
“Nie alweer nie...aggenee!”
“Jy het nie jou beste gegee!”

Die mense om my maak ek gedaan
as ek skielik gaan stilstaan –
dan weer verwissel van baan –
eintlik nie weet waarheen ek gaan.

By die naaste vulstasie sal ek afdraai;
my batterye gou-gou herlaai;
dan weer aanbeweeg soos die wind my waai;
met selfbeheersing soos min kan raai.

Stormagtige verhouding

Vir jare wou ons verhouding net nie vlot;
vir jare handel ons nie volgens Sy gebod;
vir jare haal jy ou koeie uit die sloot
en maak jy my binneste morsdood.

Maak nie saak hoe hard ons bid;
maak nie saak wat ons alles insit;
maak nie saak hoe hard ons probeer;
ons maak mekaar altyd seer.

Al het ek jou telkemale teleurgestel;
al was my verwyte vuil en fel;
al het ek jou en jou God verraai;
kan Mamma dan nie sien ek’t teruggedraai?

Wat meer moet ek doen?
Wanneer gaan ons versoen?
Wanneer gaan ons die verskille opsy skuif
en die verlede permanent totsiens wuif?

Aanvaarding

Ek is wie ek is.
As jy nie van my hou...
de moer met jou.
As ek jou afpis – dis hoe ek is –
MYSELF

An ordinary thank you

It's not inside flowers from someone you met;
you won’t find it when searching on the net.
No, it’s there – deep inside your heart -
and not about tearing gift paper apart.

‘n Doodgewone dankie

lê nie opgesluit in 'n bos blomme wat verlep;
vind jy nie onder soekresultate op die web;
vind in jou hart vergestalting
en word nie deur geskenkpapier omring.

Eksaminering

Die lewe is nes 'n oopboek eksamen -
vir party dinge sê jy nee en ander amen.
Sy gebooie is die reëls waartoe jy jou verbind
en is in Eksodus en Deuteronomium te vind.

Herre is daar nie – jy leef net een keer –
jy kan ten minste uit ander se foute leer.
Vra is vry en weier daarby –
moenie dat moeilike vrae jou onderkry!

Die tydsduur verskil van persoon tot persoon -
party word gouer met die ewige lewe beloon.
Die Leermeester ken elke liewe student –
jy’s nie net ‘n nommer as jy jou na Hom wend.

Acceptance

I am what I am.
Those that don’t like me…
I don’t give a damn.
Life’s about what I want to be…
MYSELF

My moedertaal

Teen die tyd het almal die boodskap gekry -
Afrikaans se era in die polisie is verby.
Behoort al die tale nie bevorder te word?
Waar skiet regeringsamptenare tekort?

As Afrikaner is ek gebore en getoë;
as Afrikaner sal ek sterf en gaan na Bo.
Afrikaans sal ek steeds praat, skryf, luister, lees;
dit sal die moedertaal van my nageslag wees.

Koningslewe

Sal U my help om myself te vind
as vrou, volwassene en kind?
Sal U vir my verduidelik wat het verkeerd gegaan
sodat ek my situasie beter sal verstaan?

Sal U sorg vir ‘n huppel in my stap;
my waarsku om nie ander te vertrap?
Sal U weer ‘n vonkel in my oog plaas;
my die balk laat verwyder voor ek raas?

Sal U ‘n glimlag op my gesig verf;
my waarsku om nie ander se geluk te bederf?
Sal U my hart van blydskap laat sing,
my nie harte laat breek, maar myself te bedwing?

Sal U opnuut ‘n pad saam my stap;
my waarsku om nie in slaggate te trap?
Sal U my al die pad ondersteun;
my waarsku om nie my ore aan Satan uit te leen?

Sal U my sondes vergewe;
my waarsku om nie roekeloos te lewe?
Sal U my hart U woonplek maak?
Ek’t besluit om met U vertroud te raak.

Miskien môre

sal ek genoeg moed hê
om vir jou te kan sê
wie en wat ek eintlik is;
dat ek my ou self mis

sal ek vir die soveelste keer
in my lewensbestaan probeer
om my kop hoog te hou
en aan my toekomsdrome te bou

sal onbenullighede my nie onderkry;
ek nie toelaat dat ander loop oor my;
veranderinge gebeur nie oornag –
dit begin hier en nou - vandag

K53 toets

Jy't die geen ingang bordjie na my lewe ignoreer;
soos altyd kon niks of niemand jou keer.
Jy’t ‘n plekkie in my hart verower;
jy – die geen-parkering-teken-rower.

Jy bring kleur in lewens – rooi, groen en geel;
los merke wat niks of niemand kan heel.
As onsekerheid dreig by die stopstraat
is jy elke keer daar met doeltrefffende raad.

Sonder jou in my lewe lê gevaar voor;
op my lewenspad wil ek jou nie verloor.
Sal jy aan ‘n U-draai as opsie dink
as gedagtes om te bedank vir jou wink?

Jy wat die lewe se verkeerstekens verontagsaam;
wees asseblief hierdie keer bietjie bedagsaam.
Sal jy tot by die AFTREE afrit gaan?
Jy’s goud werd – sonder jou sal produksie stilstaan.

Nie nou nie en ook nie gou nie

Jy kan nie net ongenooid my lewe binnestap
en dan soos ‘n warrelwind wil wegwaai
omdat jy na ‘n nuwe lewenshoofstuk wil omblaai.
Gaan jy jou hartafdrukke in my lewe help lap?

Jy kan nie net verwag mense moet jou besluit aanvaar
en dat hul lewens normaalweg moet aanbeweeg,
want sonder jou is hul lewens dolleeg.
Moet ek dit uitspel of kry jy die boodskap al klaar?

Jy kan nie net jou bedanking ingee -
jy beteken baie en almal kyk altyd op na jou.
Sonder jou – verlore legkaartstuk – kan niemand bou.
Jou merke is permanent – dis nie net vir uitvee.

Vervloek

Jy wat

verkrag

vermoor

vat

sommer so sonder rede

Liefde versus haat

Aan jou was daar geen keer.
X ≠ Y – jy’t nie die boodskap gekry
soos die ander om uit my lewe te bly.
Hoekom moes jy met my gebeur?

Ek’t gedog jou woorde is nes jou houding,
maar ek het myself lelik misgis;
uitgevind dat jy soos Midas is;
verstaan nou wat jy by my wou tuisbring.

Jy wat soos 'n GPS rigting wys -
jou hart is nie van klip gemaak,
jy spoeg nie vuur soos ‘n draak,
jou oë is nie van ys.

Eintlik is jy ‘n omgee-mens
wat genesing wil bring –
die dat jy aan rafeltjies torring
met woorde en jou oog se lens.

Jy’t my gedwarsboom – ek’t jou gehaat,
maar gou-gou het ek geleer
om jou as persoon te waardeer;
ons liefde en haat is nes goed en kwaad.

Uitkoms

Here, hoe nou gemaak?
Hulle sê die lewe gaan aan
en dat als beter gaan raak;
myne het gaan stilstaan...

Gee vir my van Salomo se wysheid
en asseblief van Job se geduld,
sodat ek sal kan vasbyt
die ent uit teen die bult.

Vernietigingsdrang

Wat tussen ons was is

verby

Jy’t my binneste

verniel

Jy’t my lewe

verwoes

Ek’s

verpletter

Wat was en wat is

Ons lewens het soos legkaartstukke gepas;
nou hou jy my nie meer styf vas.
Op ‘n tyd het jou lippe myne aangeraak;
nou het ek niemand om mee liefde te maak.

Op ‘n tyd kon ek met my kop op jou skoot lê;
nou lyk dit asof jy my nie meer wil hê.
Op ‘n tyd kon jy vir ure met my hare speel;
nou’t jy iemand anders met wie jy jou lewe deel.

Op ‘n tyd het my hand in joune gepas;
nou is als herinneringe - deel van wat was.
Op ‘n tyd het ek gedink ons het ‘n toekoms saam;
nou’t ek jou deur my vingers laat glip en kry ek skaam.

Jou oë

wys jy gee om;
waarsku “Moenie dink ek’s dom”;
wys jy is regverdig;
dat jy jou lewe volgens Sy wil rig;

wys wanneer is jy kwaad -
dat jy steeds liefhet en nie haat;
wys wat is toelaatbaar;
waarsku om weg te bly van gevaar;

wys wanneer jy hartseer ervaar;
waarsku wanneer is gedrag onaanvaarbaar;
wys wanneer jy gelukkig is
en ook wanneer jy iemand mis;

wys hoe jy oor mense voel;
waarsku “Ek het dit nie so bedoel”;
wys hoe jou dag was;
waarsku “Moenie my met onbenullighede belas”.

Your eyes

Every time you stare
it shows you care;
that you are fair;
it also warns don’t dare;
it tells when you are mad;
it tells when you are sad;
it warns when behaviour seems to be bad;
it reflects the kind of day you’ve had;
it tells what you accept as okay;
when there’s danger to stay away;
that you believe in Him and pray;
they express everything you want to say…

Lengte maal breedte maal hoogte

U weet wat's my naam;
waaroor en waarvoor ek my skaam.
U weet wat’s my geslag;
wie en wat laat my gewoonlik lag.

U weet tot watter rassegroep ek behoort;
uit wie se nageslag spruit ek voort.
U weet waar’s my geboorteland;
hoe swak of sterk my familieband.

U weet watter kar ek ry
en ook waar ek bly.
U weet na watter musiek ek luister;
wanneer ek gehul is in duister.

U weet waarna ek op TV kyk;
watter handelsname in my kaste pryk.
U weet wat ek graag lees
en soos wie ek in die lewe wil wees.

U weet wanneer ek ‘n gulde geleentheid mis;
waartoe ek alles in staat is.
U weet oor watter talente ek beskik;
van al die kere in my lewe wat ek misluk.

U weet van my prestasies;
voor aftrekkings wat is my basies.
U weet van die kwalifikasies teen my muur
en wanneer is ek oorstuur.

U weet van die keuses wat ek neem
en hoe hanteer ek elke probleem.
U weet van die planne wat ek beraam;
wie se foto’s dra ek met my saam.

U weet van al die foute wat ek maak;
wanneer steek ek met wie die draak.
U weet wat ek wil vertel nog voor ek iets sê;
U weet van my benodigdhede – wat ek wil hê.

U weet van my seerste seer;
van die lewenslesse wat ek leer.
U weet wanneer ek soos Job op die ashoop sit;
dink dat dit nie help om aan te hou bid.

U weet wat’s my grootste vrees;
wanneer en waar ek my Bybel lees.
U weet van die geraamtes in my kas;
dit wat op my skouers rus – elke las.

U weet wanneer is ek spyt;
van die kere wat ek ander verwyt.
U weet wanneer slaan ek my naam met ‘n plank;
by watter instansie ek my geld bank.

U weet waarna ek streef;
hoe lank ek nog gaan leef.
U weet hoeveel hare is op my hoof;
wanneer hou ek my opsetlik doof.

Voor my geboorte het U van my geweet –
dat ek U meesterstuk sou heet.
U weet met wie en wat ek omgaan;
sal ek ooit U alwetendheid verstaan?

Playtime

Not put your hands on your head,
just like Simple Simon said.
All over you it’s red
although you’re not dead.

They say masochism is the name
of the so-called painful game.
It makes you feel ashamed –
no one but yourself to blame.

Each scar has a story to tell –
about you – not being well.
No danger to smell,
but once you fell it’s like hell…

Kuur teen die kwaad

Jou oë wat na mens staar -
dit beteken hier kom gevaar.
Mens voel jy wil in die aarde wegsink
uit vrees oor wat jy van mens mag dink.

Jou woorde is skerper as ‘n byl
en brand seerder as ‘n brandpyl;
daarmee kap jy al die kwaad uit
sonder om ‘n mens te verwyt.

Jou hande ferm, maar sag,
wat kan ‘n mens van hulle verwag?
Hulle wat troos bied,
maar ook my vrees geniet.

Agter jou moenie-met-my-mors-nie houding
waarmee jy respek by mense afdwing
is daar nie ‘n hart van staal;
daarom dat jy my by die doolweg kom haal.

Definisie van ‘n sekretaresse

Dankie Adrie en Marina vir die inspirasie

Sy wat weet wat die baas wil hê
nog voordat die baas iets sê.
Sy wat weet waar’s wat;
haar tweede naam is Raakvat.

Sy wat daarin slaag om koelkop te bly
as sy met ongeskikte mense te doen kry.
Sy wat dinge in ‘n japtrap reël;
vir haar is niks net nooit te veel.

Sy wie jy nie hoor kla
die slag as almal gelyk vrae vra.
Sy kom in krisistye met planne vorendag;
doen selfs meer as een ding op ‘n slag.

Sy hou van alles rekord;
keer dat dinge by die werk in duie stort.
Sy’s ‘n toonbeeld van professionaliteit
en vir die werk defintief ‘n profyt.

Verkeerde afrit

Snelweg...
dis nie reg.
Jy vernietig Sy tempel;
handel nie volgens Sy wil.

Eenrigting
na selfvernietiging.
Bloed is pyn -
is seer wat verdwyn.

Doodloopstraat...
niemand om mee te praat;
wat weet waardeur jy gaan;
wat deur dik en dun by jou staan.

Stop!
Kry dit in jou kop
dat Hy bereid is om jou laste te dra;
al wat jy moet doen is om te vra.