My dear friend Misty

Man,

I miss you like in

Stacks

Today, life without

You isn’t the same.

Live it

Jy sal nie glo

wat ek jou nou

gaan vertel nie,

maar wat ek weet

moet jy nog leer;

wat ek ervaar

sal jy jou nie

kan indink nie;

paaie waarop

die lewe

my al gelei het

moet jy nog bewandel;

verhale wat ek al

sien afspeel het

moet jy nog beleef.

Uitdaging – I C U in heaven

Bel my!, ons moet praat.

Ek kon nie in die donker peil trek op jou emosies nie en jy skuld my ‘n verduideliking oor waarom jy my in die middel van die nag stoksielalleen langs die snelweg gelos het.

Ek dink jy was sommer net pleinweg ongeskik, want jy het plegtig voor die gaste beloof om mooi na my en ons baba te kyk toe jy die ring aan my vinger moes steek en nou dit...

***

Die dominee se taal is so hol soos die gat van jou graf en so leeg soos my lewe sonder jou.

My foon se battery kerm iets van battery low.  Ek wil darem net vir jou sê dat jy altyd in my gedagtes sal bly - lank nadat die hart-long masjien langs jou bed en my foon opgehou het met beep-beep-beeeeeep.

Leeg
Taal
Steek
Skuld
Peil
Middel

Genadedood

My drome

ontaard in

nagmerries

en selfmoord

is sonde,

nou wag

ek vir

die dag

van

verlossing.

Uitkoms

Ek wens daar was ‘n manier hoe ek uit hierdie gemorsspul kon kom.  Die omstandighede wurg my.

Om elke oggend met ‘n “bang” met naarheid en hoofpyn wakker te word raak na ‘n tyd kommerwekkend.  Wat as ek een oggend net nie meer wakker word nie omdat een van die are in my kop besluit het om te pop?  Nog erger...wat as ek ‘n koolkop uitdraai?

Ek het nou al baie fights gefight in my lewe, maar hierdie een beat my.  Maak nie saak hoe hard ek probeer om myself positief te inspireer nie...dit hou nooit meer as ‘n halwe dag nie.

***

Hulle sê jou kar se voorruit is groter as die truspieëltjie omdat jou toekoms belangriker is as jou verlede.

Die alleenheid noop my om te wonder wat maak my so afstootlik vir mans?  As ek dan nou so afstootlik is dat ek nie ‘n man kan vang nie – hoekom het hulle my gekies om te verkrag?

Dis nie asof ek ‘n perdebylyfie het nie.  Nee, ek lyk soos ‘n renosteros met borste so groot soos Oupoot se stompe.  Hulle kon my seker nie miskyk vanweë die grootte van my postuur nie.  In elk geval, dis nie asof ek meer nagmerries daaroor kry nie.  Ek voel net wasted soos ‘n tampon.

***

Kyk, ek’s nou al so dik vir my eie vette...dis om van naar te word.  By my ooms moet ek gereeld hoor hoe die vette om my hart saampak en my tannies is behep met die regte eetplan.  Die kere wat ek op ‘n eetstaking is is dit nie goed nie.  What the fuck!

Dis nie asof ek my ooreet nie...ek’t nog altyd soos Bimbo gelyk.  Selfs die dokter is nou al behep met my gewig.  As ek kla van lae rugpyn na die ongeluk dan moet ek hoor ek sal ‘n plan moet maak met my gewig.  Ek kry die idee hulle is bang ek kraam ‘n gorilla en word so groot soos ‘n dinossaur in die proses, maar hulle hoef nie te worry nie.

Die enigste manier hoe ek kan swanger raak is by wyse van windbestuiwing.

***

Ek betrap myself telkemale dat Satan die oorhand kry van my gedagtes.  Dit kos deursettingsvermoë om nie my liggaam skaad aan te doen nie en guts om te erken ek’t ‘n probleem.

Op mense kan ek nie reken nie, maar op U kan ek vertrou.  Daarom vra ek U in Jesus Naam om my te genees van hierdie depressiwiteit wat my geluk hijack.