Liefdesverbond

Hierdie is geskryf

as deel van 'n

3 woord uitdaging

op die webwerf Woes.

Die 3 woorde

wat moes deel uitmaak

van die gedig was:

Reënboog

Omsingel

Triomfeer

Daardie dag

met my val

en tranedal

was ek Noag

en jy ‘n engel

gestuur van Bo

om my weer in
liefde te laat glo.

Jy’t my oog

gevestig op

die reënboog

en gesê

dis jou belofte

aan my

dat ek nie weer

sal seerkry.

Om liefde weer

te laat triomfeer

in my lewe

het jy vir my

beskermengel

gesê jy wil hê

hy moet my

omsingel.