Mis jou Pa

As ek met

tere
herinneringe

‘n paadjie
kon bou
dan sou

dit reguit
gelei het
hemel toe.

Lekker verjaar Pa!

Liewe Jesus,

gee vir Pa

‘n stywe druk

en sê geluk

met sy verjaarsdag;

oorlaai hom met

hope liefde

en sê dis

hoe baie

ons hom mis.

28/03/2016

Hennie

Het ek maar geweet gister was ons laaste kuier sou

Ek langer langs die hospitaalbed wou staan en

Net na Pa staar al kon Pa die laaste tyd

Nie meer met ons praat nie.  Rus

In vrede Pa met die wete ons sien mekaar

Eendag weer in die hiernamaals.

 

Hendrik Christoffel Johannes Botha

1953-03-28 – 2016-01-03

Rus in vrede Pa

Pa, jou heengaan

speel soos ‘n stilfilm

voor my verby.

 

Ek kry terugflitse

van gelukkiger tye saam

met die wete

jy is

nou by

Liewe Jesus

 

en knipoog

vir ons

saam die sterre.

 

Hendrik Christoffel Johannes Botha

1953-03-28 – 2016-01-03

Kerspakkie

Ek kon nie ‘n

kerskous kry

om die goed

in te sit;

 

toe vat ek

maar ‘n hoed,

maar dis te klein.

 

Die chocolates

is vir sweetness,

 

die koekies

is vir

Kersvader

 

en die

klapper

vir

snaaksigheid.

 

Sit nou maar die

Kersvader in die sneeuwater

op jou lessenaar neer

om te keer

dat die papiere wegwaai

die kere wat die lugreëling aan is.

Happy Christmas

Hier op die

vooraand van Kersfees

wens ek als wat

die afgelope tyd gebeur het

was maar net ‘n droom,

maar dit is nie.

 

Happy Christmas Dad!

 

Dit is sad

om te weet

 

jy kom dalk

nooit weer

huistoe nie.

Geroep om hulp

Here, raak ons pa aan

met U hande van genesing –

 

sy spraak,

sy slukfunksie,

die werking van sy longe,

sy spierbewegings –

 

elke deel wat geaffekteer word

deur sy bipolêre gemoedstoestand.

 

Ons het hom nodig in ons lewens,

maar dis nie lekker om hom so te sien nie.

 

Wat ookal U wil is…

ons sal ons daarby berus.

 

Amen