Mag

Sy

Teenwoordigheid as troos dien

Elke treë van jou

Reis op aarde en Hy jou

Kop liefderik boontoe draai om

Te wys waar jou krag vandaan kom

Elke keer wat jy wyfel

Ns.: Die woord “mag” is meer as die titel – dis die begin van my gebed vir jou en simboliseer ook waar ons sterkte vandaan kom

Violence against Women

Met jou

voël

het jy my

vrouwees

vernietig,

maar

ek gaan jou nie

die satisfaksie gee

om my gewete

te verkrag nie.

Jackpot

Die tere herinneringe

skets ‘n prentjie

van jou

sonnige geaardheid.

Die foto’s vertel

‘n storie van

jou lewensverhaal.

Soos ‘n skatkis

wat vir ons troos bring

wanneer die blues ons omring,

so is

jou

begrafnisblaadjie.

Rus in Vrede JC,

want

Jy’s nou by

Christus

21/05/2013

Canvas vol kleure

Goudgeel sonneblomme

straal jou warmte

uit jeens jou medemens;

bloedrooi rose

jou Jesus-liefde;

bottelgroen varings

jou fyn aanvoeling

vir menswees;

spierwit lelies

versinnebeeld

jou rein gewete;

viooltjiepers laventel

kondig die aroma aan

wat jy in mense se lewens bring;

cerese pienk malva

dui op die

marvellous

vrou wat jy is;

skeloranje kappertjies

wys hoe jy lewens opjazz

wanneer jy dit aanraak

terwyl hemelblou amaryllis

jou engel-mens-wees trompetter.