Ek het gevra

Vroeg vanoggend het

ek vir Liewe Jesus vertel

hoe jy lyk en vir Hom gevra

om mooi na jou te kyk

omdat kinders nog vir lank

‘n Ma Adrie se liefde

en omgee nodig het.

Soos altyd het

Hy geluister

en vir my laat weet:

“My hande

van beskerming

is altyd gevou

om daardie vrou

van wie jy nou praat.”

Sake van die hart

Ek het die

hemel gebel

en vir

Liewe Jesus

vertel

om mooi

na my

Mamma Ronél

te kyk

omdat sy

kosbaar is

en ek haar

nie wil verloor nie.

En toe sê Hy: 

“Hoor hier...

Ek’t klaar

vroeg vanoggend

‘n engleskaar

met dié opdrag

uitgestuur

Aarde toe.”

Fairy Tale

Liewe Paashaas,

ek soek nie

vanjaar ‘n eier nie,

net 1 moewiese guns...

sal jy asb.

vir die Tandmuis vra

om sy geldjies

aan Kersvader te bemaak,

want wat as die kat weer kom

en dis tickets met hom...

my Christmas wish

sal mos nooit waar word nie.

In stille gebed

Vanoggend toe ek

my Bybel oopmaak

toe sien ek jou raak

en sê:  “Dankie Liewe Jesus

vir die voorreg wat

ons gehad het om

daardie engel van ‘n vrou

met U te kon deel! 

Gee vir haar ‘n drukkie

van my af en sê

daar gaan nie ‘n dag om

wat ons haar nie mis nie.”

I am what I am

Dat ek IS is te danke aan

Liewe Jesus se liefde vir my

en

my ouers se liefde vir mekaar,

maar wie en wat ek is

word bepaal deur

God se GENADE,

my ouers se opofferings,

my ouma se omgee,

Tannie Adrie se hope geloof en liefde,

leerkragte se leiding,

raad van kollegas

en

my wil om te besluit

wat ek gaan maak

met dit wat na my kant toe kom.