Wense vir die nuwe jaar

Mag geluk

kom tapdans

op jou voorstoep

na elke boks snesies,

voorspoed jou

met ‘n vuishou

tref wanneer jy

dit die minste verwag,

vrede waak hou

oor jou hart

met die wete

dat jy nie

als kan kry

wat jy wil hê,

seën mildelik

op jou neerreën,

liefde 
jou aankleef

soos ‘n

aansteeklike siekte

en jy gedurigdeur

bewus wees van

Sy genade in jou lewe

elke tree wat jy gee

in die jaar wat voorlê.

Kersboodskap

Mag jou hart

all day

jingles all the way

en die vlam van

kersfeesvreugde

kleurryk brand

wanneer

julle gesellig

verkeer.

My dear friend Misty

Man,

I miss you like in

Stacks

Today, life without

You isn’t the same.

Live it

Jy sal nie glo

wat ek jou nou

gaan vertel nie,

maar wat ek weet

moet jy nog leer;

wat ek ervaar

sal jy jou nie

kan indink nie;

paaie waarop

die lewe

my al gelei het

moet jy nog bewandel;

verhale wat ek al

sien afspeel het

moet jy nog beleef.

Uitdaging – I C U in heaven

Bel my!, ons moet praat.

Ek kon nie in die donker peil trek op jou emosies nie en jy skuld my ‘n verduideliking oor waarom jy my in die middel van die nag stoksielalleen langs die snelweg gelos het.

Ek dink jy was sommer net pleinweg ongeskik, want jy het plegtig voor die gaste beloof om mooi na my en ons baba te kyk toe jy die ring aan my vinger moes steek en nou dit...

***

Die dominee se taal is so hol soos die gat van jou graf en so leeg soos my lewe sonder jou.

My foon se battery kerm iets van battery low.  Ek wil darem net vir jou sê dat jy altyd in my gedagtes sal bly - lank nadat die hart-long masjien langs jou bed en my foon opgehou het met beep-beep-beeeeeep.

Leeg
Taal
Steek
Skuld
Peil
Middel