Malva-lekker-dag vir jou

Mag God

se rooskleurige liefde

en vriende se sonneblom-lag

jou omvaring vandag!

Voertsek!

Stadig, sluimerend,

ontwaak hy

soos ‘n sigaretkooltjie

in die nag.

Al dieper trek hy jou in,

stukkie vir stukkie,

totdat jy niks anders as

magtelose tjankgeluidjies uitblaas nie.

Hy rook jou tot op die punt

waar jy fokol voel nie

en vertrap jou

in die grond in met sy pote.

Hy lek jou met

‘n sleeptong vol

kwyldrade van kots,

hy byt jou aan die hakskeen.

Daar’s net 1

van sy

soort...

DEPRESSIE