Ma s’n vir altyd en ewig

Jy was die rede

vir die vonkel

in my oog

na my besoek

aan die

ginekoloog.

9 maande later

laat breek

jy my water.

Jou eerste babagil

het my met

dankbaarheid gevul.

Daar was jou eerste

glimlag,

tand,

treë,

woord,

skooldag,

die matriekafskeid,

jou gradeplegtigheid,

verlowing,

troue

en vandag se vreugde

oor daardie bondeltjie

wat jy jou eie kan noem.

Lank reeds nadat jy

jou eie het wie jy

saans in die bed sit

en vir wie jy konstant

op jou knieë bly

om voor te bid...

ja, lank reeds

na dit alles

bly jy steeds

Ma se kind.