Gebed vir my matriek broertjie

Dis die begin van sy matriekjaar -
oor ’n paar maande maak hy klaar.
Mag hy hom op kulturele gebied
vir oulaas vanjaar gate uit geniet.

As hy nie oor sportprestasies kan lag -
gee dat hy hom nie minderwaardig ag.
Gee dat hy sal berus in die feit -
om weer te leer loop vat maar tyd.

Mag sy verstand glashelder wees
sodat hy dit sal onthou wat hy lees.
Gee dat hy Teologie kan gaan studeer -
hy wat ander nog altyd van U wou leer.

Ek het nou wel nie veel om hom te bied,
maar kan vra dat hy U goedheid mag geniet.

Moederliefde

het 'n buitengewone

moeilikheidsgraad,

want dit

omwentel

die

som

van ‘n kind

se bestaan

sonder om te

verminder

by aanvaarding

van die

onveranderlike;

nie eers ‘n

verlies

aan respek

kan dit

halveer

nie en dit

vermenigvuldig

by die aanhoor

van goeie nuus.

Gebed vir die voorsitter

Here, tot dusver het dit

buitengewoon goed gegaan

met hierdie man wat

bo sy makkers uitstaan.

Gee dat hy nie die

vertroue sal skend

van sy volgelinge wat

hulself na hom wend.

Gee dat hy sy skool

se naam nie sal skaad

aandoen, maar leerkragte

met lof van hom sal praat.

Gee dat hy probleme

effektief sal hanteer

en nie alewig ander

soek om te blameer.

Gee dat hy ten alle

tye nederig sal bly;

homself steeds daagliks

aan U woord sal wy.

Soekend na U

As ek teen 'n muur vas bid -
my gebede onbeantwoord bly -
dan dink ek aan die ruimtereisiger
wat vertel het hy kon U nêrens kry.

Dis dan dat ek soos Job in hoofstuk
23 geneig is om angsbevange te raak
en Satan my allerhande dinge
omtrent godverlatenheid wil wysmaak.

Here, vergewe my asseblief my
swakheid die kere wat Thomas
se ongelowigheid posvat in my en ek
in my soeke na U, U heeltemal mistas.

Slaaptydstories

Voor Klaasvakie
se sand veroorsaak
dat jy van moegheid
aan die slaap raak
moet die vent net
eers ’n bietjie wag,
want ek het nog
nie vir jou gesê “Nag!”

Vergelykende studie

'n Module is nie
maklik as die vraestel
so moeilik soos
die dosent is nie.

Bron van kwaad

Die boom van kennis van goed
en kwaad is nie die enigste
bron van kwaad nie, maar ook
die mens se tong wat skade
van onbeperkte omvang aanrig
weens die mens se onvermoë
om die impak van sy woorde
op ‘n ander se ego te bepaal.

Sondige natuur

As 'n ma sê haar kinders baklei
soos Kain en Abel dan is sy die
Eva vir wie die slang verlei het.

www.blogoormyself.com

Oh my Word!
Jy kon nie eers
die som van my
bestaan bereken

in Excel nie, maar
jy wil ‘n navraag skep
in Access oor my
profiel in PowerPoint

wat nou in Outlook
se lêergidse lê
omdat ek nie
daarin kon slaag om

myself te Publish(er)
op jou FrontPage nie.

Buitengewone bedrag

Mag Hy jou kroon as
wenner van Sy
vreugde, vrede,
genade en goedheid

in die lewensjaar
wat voorlê en jy
vergeet van verliese
van die vorige jaar

as Sy liefde maak dat
jou balansstaat klop.

Digterlike inspirasie

In antwoord op Joan Hambidge se gedig “Vlugvertraging”

Die digter is op sy
gelukkigste die oomblik
as versreëls nes water
van ‘n eend se rug afrol
en hulself staanmaak
op die blanko papier
terwyl die muse sy
tuiskoms met klapperende
vlerke aankondig onder
dawerende applous
van die leser.

Solitêr

Een alleen kan 'n
verhouding nie laat
vlot nie, maar wel
twee se gevoelens
wat ewe sterk is.
‘n Liefdes(drie)hoek
moet vermy word –
so word verseker
dat niemand seerkry
nie en liefde seë(vier).
***


genoeg rede vir die
joker om van oor
tot oor te glimlag as
die koningin van
harte die koning s’n
inpalm en hare
maak en hy homself
oplaas liefderik bo-
op haar neerwerp.