Jackpot

Die tere herinneringe

skets ‘n prentjie

van jou

sonnige geaardheid.

Die foto’s vertel

‘n storie van

jou lewensverhaal.

Soos ‘n skatkis

wat vir ons troos bring

wanneer die blues ons omring,

so is

jou

begrafnisblaadjie.

Rus in Vrede JC,

want

Jy’s nou by

Christus

21/05/2013

Canvas vol kleure

Goudgeel sonneblomme

straal jou warmte

uit jeens jou medemens;

bloedrooi rose

jou Jesus-liefde;

bottelgroen varings

jou fyn aanvoeling

vir menswees;

spierwit lelies

versinnebeeld

jou rein gewete;

viooltjiepers laventel

kondig die aroma aan

wat jy in mense se lewens bring;

cerese pienk malva

dui op die

marvellous

vrou wat jy is;

skeloranje kappertjies

wys hoe jy lewens opjazz

wanneer jy dit aanraak

terwyl hemelblou amaryllis

jou engel-mens-wees trompetter.

By die Start van ‘n week

vra ek U

om my te

Wash

met waters van vrede;

Spin

elke greintjie haat

uit my uit;

Rinse

my met

genade;

Spin

onmenslikheid

uit my uit;

Peg

my met

liefde

vas

en

Stryk

my kreukels met

begrip

uit.

Lekker verjaar Suzanne!

Stort asseblief

U seën oor haar uit en gee ‘n

Ziljoen engele opdrag om haar ten

Alle tye te beskerm waar sy mag gaan in die

Nuwe jaar, en gee haar wat sy mag

Nodig hê

Elke dag van haar bestaan