Soek en jy sal vind

Hierdie is geskryf
as deel van 'n
3 woord uitdaging
op die webwerf Woes.
Die 3 woorde
wat moes deel uitmaak
van die gedig was:
BRING
HUNKER
BEHOEFTE

Dis nou wel nie my

eerste verhouding,

maar dis asof jy

‘n einde bring

aan my siel

se soekery

om die regte

pasmaat te kry.

My hart

hunker daarna

dat jy vir my die

jawoord sal vra,

want na ‘n leeftyd

se saamwees

het ek ‘n

behoefte

aan jou

alomteenwoordigheid.

Tyd vir selfkastyding is verby

myself

moor

ek

maar

selfs bomme,

swaarde, skietgoed,

messe, vuiste, woorde,
Ander moor mekaar met

Dis hoe ek jou sal onthou

Hierdie is geskryf
as deel van 'n
3 woord uitdaging
op die webwerf Woes.
Die 3 woorde
wat moes deel uitmaak
van die gedig was:
WEERSTAND
SAGTHEID
KOESTER

Ek mis die

sagtheid

van jou skoot,

jou hande wat

‘n mens omvou

en styf teen

jou bors vashou,

jou onmeetbare

sterkte wat lê in

jou vermoë om aan

my weerstand te

bied teen gevaar

die kere wanneer

moeilikheid my

in die gesig staar.

Moeder,

ek koester jou

merkwaardigheid

as vrou.

Handleiding oor hoe ‘n mens kinders moet hanteer

As julle my respekteer
dan sal ek jul eer,
maar minag my
en jul sal ‘n skouer kry.

Moenie op die waarheid steun,
want ek vertel maklik ‘n leuen
as ek julle nie kan vertrou
om ‘n geheim te hou.

Moenie julle beloftes breek –
jul laat my in die steek –
en ek gaan sukkel om jul
nie op my beurt te verkul.

As julle my sal motiveer
sal ek my bes probeer;
beïnvloed my negatief
en ek ontwikkel ‘n grief.

Moenie my uithaal
voor ander as ek faal;
ek sal dit waardeer
as julle my eenkant reg leer.

Moet my nie verwyt
vir al julle moeilikheid;
dit laat my met min
verantwoordelikheidsin.

As ek ooit bang raak –
moenie my vrese afmaak
as simpel nie, maar ontferm
julle oor my deur my te beskerm.

Moenie dit teen my hou
as ek sê: “Ek haat jou!”
Ek hou net nie daarvan as jy
my planne in die wiele ry.

Moenie vir my geld voorskiet
om die lewe mee te geniet,
maar as julle ‘n tydjie kry
spandeer ‘n paar minute saam my.

Moenie my vergelyk
met ander wat meer bereik
as ek, maar aanvaar my
vir dit wat ek regkry.

Moenie hierdie afmaak
as maar net nog ‘n bysaak,
maar neem ter harte wat ek vra,
my liefste Pa en Ma.

Sensasionele sensasie

Hierdie is geskryf
as deel van 'n
3 woord uitdaging
op die webwerf Woes.
Die 3 woorde
wat moes deel uitmaak
van die gedig was:
RESUSSITEER
SMAGTING
PRIKKEL

As die top van jou vingerpunte
af beweeg langs my ruggraat
is dit asof jy ‘n sensoriese
prikkel in my medulla inlaat
wat my ovaria motories prikkel
om hierdie maand weer
‘n ovum vry te stel sodat
ons opnuut kan probeer

om ‘n fetus te verwek
wat kompleet op ons trek.

My smagting na jou innige
liefde word vervul wanneer
jy my penetreer en plesier
my tepels resussiteer
nes die neuro-oordragstof
dopamien vrygestel word.

Jy’s die manlike vergestalting van Persephone

Hierdie is geskryf
as deel van 'n
3 woord uitdaging
op die webwerf Woes.
Die 3 woorde
wat moes deel uitmaak
van die gedig was:
LENTE
ROMANSE
FEES

Wanneer die lente kop uitsteek 

en die winter se dorheid breek

slaan jou bladwisselende romanse

opnuut my voete onder my uit.

As ek jou Legacy ruik,

jou nektarsoet lippe proe,

jou lyf teen myne voel,

hoor hoe jy my naam noem,

jou nr. op my foon sien flikker, dan

weet ek ons is vir mekaar bedoel.

Jy laat my glo

lente is liefde

en

die lewe ‘n fees

en

in jou arms

is die plek

waar ek wil wees.

Kupido kon nie korrel nie

Hierdie is geskryf
as deel van 'n
3 woord uitdaging
op die webwerf Woes.
Die 3 woorde
wat moes deel uitmaak
van die gedig was:
BITTERHEID
PRYS
SKROOM

Die bitterheid wat 

in my binneste

opstoot is genoeg

om van naar te word.

As Eros ‘n waardasie

van my hart moet doen

sal hy nie skroom om my

bankrot te verklaar nie,

want

ek het ‘n duur prys betaal vir my

Te onnosel om

Raak te sien dat

Ons

Twee

Saam hoort